7வது ஐ.பி.எல்: சென்னை அணி அட்டகாசம்! டெல்லியை 93 ரன்கள் வித்தியாசத்தில் பந்தாடியது!!

ஸ்மித்- மெக்கல்லம் தடுமாற்றம்

சென்னை அணியின் தொடக்க ஆட்டக்காரர்களாக ஸ்மித் மற்றும் மெக்கல்லம் இறங்கினர். ஆனால் மெக்கல்லம் 9 ரன்கள் எடுத்திருந்த நிலையில் உனத்காட் பந்துவீச்சில் ஆட்டமிழந்தார்.

ரெய்னா அதிரடி

பின்னர் வந்த ரெய்னா, ஸ்மித்துடன் ஜோடி சேர்ந்து நிதானம் காட்டியதுடன் ரன் குவிப்பிலும் ஈடுபட்டார். 28 பந்துகளில் 29 ரன்கள் அடித்த ஸ்மித், நதீம் பந்தில் வீழ்ந்தார்.

அரைசதம் கடந்த ரெய்னா

நிலைத்து ஆடிய ரெய்னா அரைசதம் கடந்த நிலையில் 56 ரன்களில் ஆட்டமிழந்தார்.

பிளெஸ்சிஸ்- டோணி

அதேபோல் பிளெஸ்சிஸ் -டோணி இணைந்து ரன்களைக் குவித்த சென்னை அணியின் ஸ்கோர் 150ஐ தாண்டியது. பிளெஸ்சிஸ் 24 ரன்கள், கேப்டன் டோணி 32 ரன்கள் எடுத்த நிலையில் அவுட் ஆகினர். ஜடேஜா - 7ரன்கள், அஸ்வின் 1 ரன்னில் ஆட்டமிழந்தார்.

177 ரன்கள்

சென்னை சூப்பர் கிங்ஸ் அணி 20 ஓவர்கள் முடிவில் 7 விக்கெட்டுகள் இழப்புக்கு 177 ரன்கள் எடுத்தது.

178 ரன்கள் இலக்கு

இதனை தொடர்ந்து டெல்லி டேர்டெவில்ஸ் அணிக்கு 178 ரன்கள் வெற்றி இலக்காக நிர்ணயிக்கப்பட்டது

தடுமாறிய டெல்லி

இதனை அடுத்து ஆடிய டெல்லி டேர்டெவில்ஸ் அணியின் தொடக்க ஆட்ட வீரர்களில் அகர்வால் 2 ரன்களிலும் விஜய் 11 ரன்களிலும் ஆட்டமிழந்தனர்.

டுமினி 15 ரன்கள்தான்..

டெல்லி அணியில் அதிடியாக விளையாடுவார் என எதிர்பார்க்கப்பட்ட டுமினி 15 ரன்கள் மட்டுமே எடுத்து ஸ்மித்தின் பந்தில் அவுட் ஆனார்,

கார்த்திக் 21

அதேபோல் கார்த்திக்கும் கூட 21 ரன்களைத்தான் எடுத்த நிலையில் அவுட் ஆனார்..

100ஐ கூட தாண்டலை

டெல்லி டேர்டெவில்ஸ் அணி 84 ரன்களுக்கு 9 விக்கெட்டுகள் வீழ்ந்த நிலையில் ஆட்டம் நிறைவடைந்தது. இதனால் 93 ரன்கள் வித்தியாசத்தில் சென்னை அபார வெற்றி பெற்றது.

முதலாவது வெற்றி

சென்னை சூப்பர் கிங்ஸ் அணி முதல் போட்டியில் கிங்ஸ் லெவன் பஞ்சாபை எதிர்கொண்டு தோல்வியைத் தழுவிய நிலையில் தற்போது டெல்லியை வீழ்த்தி முதலாவது வெற்றியை பெற்றுள்ளது ரசிகர்களை மகிழ்ச்சியடைய வைத்துள்ளது.