ஐபிஎல் வரலாற்றிலே சூப்பர் ஓவரில் அடிக்கப்பட்ட டாப் 5 குறைந்தபட்ச ஸ்கோர் எது தெரியுமா?

மும்பை: 2026 ஐபிஎல் தொடரின் 38வது போட்டியில் கொல்கத்தா நைட் ரைடர்ஸ் மற்றும் லக்னோ சூப்பர் ஜெயன்ட்ஸ் இடையே பரபரப்பான போட்டி நடைபெற்றது. புள்ளிப்பட்டியலில் கீழ்நிலையில் இருந்த இரு அணிகள் மோதிய இப்போட்டி, எதிர்பார்ப்புகளுக்கு மாறாக ஒரு திரில்லர் ஆட்டமாக முடிந்தது.

வழக்கமான ஓவர்கள் சமனில் முடிந்த பிறகு, சூப்பர் ஓவர் ஒரு தலைப்பட்சமாக அமைந்தது. இதில் ஒரு அணி, ஐபிஎல் வரலாற்றிலேயே மிகக் குறைந்த சூப்பர் ஓவர் ஸ்கோர்களில் ஒன்றைப் பதிவுசெய்தது. ஐபிஎல் வரலாற்றில் இதுவரை பதிவான முதல் ஐந்து குறைந்த சூப்பர் ஓவர் ஸ்கோர்களை தற்போது பார்ப்போம்.

1 எல்எஸ்ஜி vs கேகேஆர், 2026 (1 ரன்)

ஐபிஎல் வரலாற்றில் விரும்பத்தகாத ஒரு சாதனையை எல்எஸ்ஜி தற்போது பதிவு செய்துள்ளது. கடைசி பந்து சிக்ஸரால் போட்டியை சமன் செய்தாலும், சூப்பர் ஓவரில் அணி மோசமாக விளையாடியது. நிக்கோலஸ் பூரன் முதல் பந்திலேயே சுனில் நரைனிடம் போல்டானார்.

ரிஷப் பந்த் ஒரு ரன் எடுக்க, எய்டன் மார்க்ரம் மூன்றாவது பந்தில் கேட்ச் ஆனார். இதன் விளைவாக, எல்எஸ்ஜி ஒரு ரன்னுடன் முடித்தது, இது ஐபிஎல் வரலாற்றின் மிகக் குறைந்த சூப்பர் ஓவர் ஸ்கோராகும். கேகேஆர் முதல் பந்திலேயே பவுண்டரி அடித்து இலக்கை எளிதாக வென்றது.

2 எஸ்ஆர்ஹெச் vs கேகேஆர், 2020 (2 ரன்கள்)

2020 ஐபிஎல் தொடரில், சன்ரைசர்ஸ் ஹைதராபாத் அணிக்கு எதிராக கேகேஆர் மற்றொரு குறைந்த சூப்பர் ஓவர் ஸ்கோரைப் பதிவு செய்ய உதவியது. 163 ரன்கள் எடுக்க இரு அணிகளும் சமன் செய்த பிறகு, சூப்பர் ஓவர் நடைபெற்றது.

வேகப்பந்து வீச்சாளர் லாக்கி பெர்குசனிடம் எஸ்ஆர்ஹெச் முதல் மூன்று பந்துகளில் இரு விக்கெட்டுகளையும் இழந்து வெறும் இரண்டு ரன்கள் மட்டுமே எடுத்தது. டேவிட் வார்னர் முதல் பந்திலும், அப்துல் சமது மூன்றாவது பந்திலும் போல்டானார்கள். கேகேஆர் மூன்று ரன்கள் என்ற இலக்கை நான்காவது பந்திலேயே எட்டியது.

3 பிபிகேஎஸ் vs டிசி, 2020 (2 ரன்கள்)

2020 ஐபிஎல் சீசனில் இரு சூப்பர் ஓவர்களில் விளையாடிய பஞ்சாப் கிங்ஸ் , டெல்லி கேப்பிடல்ஸ் உடனான தனது முதல் சூப்பர் ஓவரில் மோசமான அனுபத்தைப் பெற்றது.157 ரன்களுக்கு இரு அணிகளும் சமன் செய்ய, சூப்பர் ஓவரில் பஞ்சாப் முதலில் பேட்டிங் செய்தது. கே.எல். ராகுல் ககிசோ ரபாடாவிடம் இரண்டாவது பந்தில் வீழ்ந்தார், அடுத்த பந்திலேயே நிக்கோலஸ் பூரனும் அவுட் ஆக, பஞ்சாப் வெறும் இரண்டு ரன்களுக்கு ஆல் அவுட் ஆனது. டிசி இந்த இலக்கை இரண்டு பந்துகளில் எளிதாக விரட்டியது.

4 மற்றும் 5 பிபிகேஎஸ் vs எம்ஐ, 2020 (தலா 5 ரன்கள்)

ஐபிஎல் வரலாற்றில் இடம்பெற்ற ஒரே இரட்டை சூப்பர் ஓவரில் பஞ்சாப் கிங்ஸ் , 2020ல் மும்பை இந்தியன்ஸ் உடன் மோதியது. இரு அணிகளும் தலா 176 ரன்கள் எடுத்து சமன் செய்ய, முதல் சூப்பர் ஓவரில் பஞ்சாப் முதலில் பேட்டிங் செய்தது.

ஜஸ்பிரித் பும்ரா பந்துவீச்சில் நிக்கோலஸ் பூரன் முதல் பந்திலேயே டக் அவுட் ஆனார். கே.எல். ராகுல் மற்றும் தீபக் ஹூடாவுடன் சேர்ந்து அணியின் ஸ்கோரை ஐந்து ரன்களுக்கு உயர்த்தினர். ஆனால், முகமது ஷமியின் சிறப்பான பந்துவீச்சுக்கு மும்பை இந்தியன்ஸும் அதே ஐந்து ரன்களுடன் முடிந்து, போட்டி மீண்டும் சமன் ஆனது.இதையடுத்து நடைபெற்ற இரண்டாவது சூப்பர் ஓவரில் மும்பை 11 ரன்கள் எடுக்க, பஞ்சாப் நான்கு பந்துகளில் 12 ரன்கள் என்ற இலக்கை எட்டி அபார வெற்றி பெற்றது.