IND vs NZ: வெறும் 46 ரன்கள் மட்டுமே தேவை.. மாபெரும் சாதனையை படைக்க போகும் இசான் கிஷன்

மும்பை: இந்திய விக்கெட் கீப்பர்-பேட்டர் இஷான் கிஷன், சர்வதேச டி20 போட்டிகளில் 2000 ரன்களை எட்டிய ஏழாவது இந்திய வீரர் என்ற பெருமையை பெற இன்னும் 46 ரன்களே தேவையாக உள்ளன. மேலும், ஒரு காலண்டர் ஆண்டில் சர்வதேச டி20 போட்டிகளில் அதிக ரன்கள் குவித்த இந்திய வீரர் என்ற சூர்யகுமார் யாதவின் சாதனையை முறியடிக்கும் வாய்ப்பும் அவருக்கு உள்ளது.

இந்தியா மற்றும் நியூசிலாந்து அணிகளுக்கு இடையிலான 5 போட்டிகள் கொண்ட டி20 தொடர் வியாழக்கிழமை கிறிஸ்ட்சர்ச்சில் தொடங்குகிறது. இந்த ஆண்டில் 3-ஆம் இடத்தில் களமிறங்கி சிறப்பான ஃபார்மில் இருக்கும் இஷான் கிஷனுக்கு, பல முக்கிய மைல்கற்களை எட்ட நல்ல வாய்ப்பு கிடைத்துள்ளது.

நடப்பு ஆண்டில் 34 சர்வதேச டி20 போட்டிகளில் விளையாடியுள்ள இஷான் கிஷன், 37.35 சராசரி மற்றும் 172.06 ஸ்ட்ரைக் ரேட்டுடன் 1,158 ரன்கள் குவித்துள்ளார். இதில் ஒரு சதமும் 7 அரைசதங்களும் அடங்கும். 2022-ஆம் ஆண்டில் சூர்யகுமார் யாதவ் அடித்த 1164 ரன்களே ஒரு காலண்டர் ஆண்டில் இந்திய வீரர் ஒருவர் அடித்த அதிகபட்ச சர்வதேச டி20 ரன்களாகும். இந்த சாதனையை முறியடிக்க இஷான் கிஷனுக்கு இன்னும் 7 ரன்களே தேவைப்படுகின்றன.

IND vs NZ: இந்த 36 வயது வீரர் நியூசிலாந்துக்கு எதிராக ஆதிக்கம் செலுத்துவார்.. ஸ்ரேயாஸ் நம்பிக்கை

இதுவரை தனது சர்வதேச டி20 வாழ்க்கையில் 66 போட்டிகளில் விளையாடியுள்ள இஷான் கிஷன், 31.51 சராசரி மற்றும் 148.81 ஸ்ட்ரைக் ரேட்டுடன் மொத்தம் 1,954 ரன்கள் எடுத்துள்ளார். இதில் ஒரு சதமும் 13 அரைசதங்களும் அடங்கும். இவரது அதிகபட்ச ரன் 103 ஆகும். அத்துடன், டெஸ்ட் விளையாடும் நாடு ஒன்றைச் சேர்ந்த பேட்டர்களில் ஒரு காலண்டர் ஆண்டில் அதிக சர்வதேச டி20 ரன்கள் எடுத்த பாகிஸ்தானின் முகமது ரிஸ்வானின் சாதனையை முறியடிக்க இஷான் கிஷனுக்கு இன்னும் 139 ரன்கள் தேவை.

அனைத்து வகை டி20 போட்டிகளையும் கணக்கில் கொண்டால், இந்த ஆண்டில் 49 இன்னிங்ஸ்களில் விளையாடியுள்ள இஷான் கிஷன், 38.26 சராசரி மற்றும் 175-க்கும் அதிகமான ஸ்ட்ரைக் ரேட்டுடன் 1,760 ரன்கள் சேர்த்துள்ளார். நியூசிலாந்துக்கு எதிரான 5 டி20 போட்டிகள் மற்றும் டிசம்பரில் நடைபெறவுள்ள இலங்கை தொடர் ஆகியவை பாக்கி உள்ள நிலையில், ஒரு காலண்டர் ஆண்டில் 2,000 டி20 ரன்களைக் கடக்கும் முதல் இந்திய வீரர் என்ற சாதனையைப் படைக்க அவருக்கு இன்னும் 240 ரன்கள் தேவை.

Also Read

IND vs NZ முதல் டி20 போட்டிக்கு முன் இந்திய வீரர்கள் தீவிர பயிற்சி.. கவனத்தை ஈர்த்த 36 வயது வீரர்

இந்திய டி20 அணி விவரம்: ஸ்ரேயாஸ் ஐயர். திலக் வர்மா, அபிஷேக் சர்மா, வைபவ் சூர்யவன்ஷி , சஞ்சு சாம்சன், இஷான் கிஷன் அக்சர் படேல், சிவம் துபே, நிதிஷ் குமார் ரெட்டி, நமன் திர், பிரின்ஸ் யாதவ், மயங்க் யாதவ், அர்ஷ்தீப் சிங், புவனேஸ்வர் குமார், வருண் சக்ரவர்த்தி, குல்தீப் யாதவ்