Click it and Unblock the Notifications
சிதறிய பவுண்டரிகள்
ஷிகர் தவான் 3 ரன்களில் ஆட்டமிழக்க, இஷான் கிஷன் தனது அதிரடியான பேட்டிங் மூலம் வங்கதேசத்துக்கு நெருக்கடி அளித்தார். முதலில் பொறுமையாக விளையாடிய இஷான் கிஷன், 49 பந்துகளில் அரைசதம் கடந்தார். அதன் பிறகு இஷான் கிஷன் ரூத்ரதாண்டவம் ஆடினார். நீங்க பந்தை எப்படி போட்டாலும், அடிப்பேன் என்ற வகையில், வங்கதேச பந்துவீச்சை மைதானத்தின் நான்கு பக்கமும் சிதறடித்தார்.
150 ரன்கள்
இதனைத் தொடாந்து 85 பந்துகளில் தன்னுடைய முதல் சதத்தை இஷான் கிஷன் பூர்த்தி செய்தார். இதன் மூலம் இந்த தொடரில் அதிக ரன்கள் குவித்த இந்திய வீரர் மற்றும் வங்கதேசத்திற்கு எதிராக அதிவேகமாக சதம் விளாசிய 3வது இந்திய வீரர் என்ற பெருமையை பெற்றார். இதனைத் தொடர்ந்து இஷான் கிஷன், சிக்சர், பவுண்டிரிகளை விளாச, அடுத்த அடுத்த 18 பந்துகளில் 50 ரன்கள் விளாசினார்.
கோலியின் அறிவுரை
இதன் முலம் 103 பந்துகளில் இஷான் கிஷன் 153 ரன்களை விளாசினார். இதில் 17 பவுண்டரிகளும், 8 சிக்சர்களும் அடங்கும். இதன் பிறகும் இஷான் கிஷன் போதும் என்று நிறுத்தி கொள்ளாமல் கிடைக்கும் பந்தை சிக்சர்களுக்கு விரட்டினார். மறுமுறும் இருந்த கோலியும், கிடைக்கும் வாய்ப்பை வீணடிக்காமல், இரட்டை சதம் விளாசு என்று கூறினார்.
அதிவேக இரட்டை சதம்
தாம் படைக்க போகும் சாதனையை உணர்ந்த இஷான் கிஷன், 126 பந்துகளில் இரட்டை சதம் விளாசினார். இதன் மூலம் சர்வதேச ஒருநாள் கிரிக்கெட்டில் அதிவேக இரட்டை சதம் மற்றும் விளாசிய வீரர், இரட்டை சதம் விளாசிய இளம் வீரர் என்ற சாதனையை இஷான் கிஷன் படைத்தார், சச்சின், சேவாக், ரோகித்துக்கு பிறகு 4வது இரட்டை சதம் விளாசிய இந்திய வீரர் என பெருமையையும் அவர் பெற்றார்.
சாதனைகள் முறியடிப்பு
வங்கதேசத்திற்கு எதிராக ஒருநாள் போட்டியில் அதிக ரன்கள் அடித்த இந்திய வீரர் என்ற சேவாக்கின் சாதனையும், அதிக சிக்சர் விளாசிய கங்குலியின் சாதனையையும் இஷான் கிஷன் முறியடித்தார். 131 பந்துகளில் 210 ரன்களை குவித்த நிலையில் இஷான் கிஷன் ஆட்டமிழந்தார். இதில் 24 பவுண்டரிகளும், 10 சிக்சர்களும் அடங்கும்
Continue with Google