இந்தியாவின் ஸ்டூவர்ட் பிராட் ஆனார் இஷாந்த் ஷர்மா.. 'இலங்கை வாரிய' அணியை வாரி சுருட்டினார்

கோஹ்லி ஏமாற்றம்

அடுத்து களமிறங்கிய ரோகித் சர்மா, 7 ரன்களிலும், கேப்டன் கோஹ்லி 8 ரன்களிலும் வெளியேறினர். இருப்பினும் ரஹானே, புஜாரா ஜோடி இலங்கை வீரர்களின் பந்துவீச்சை நிதானமாக எதிர்கொண்டு, ரன்களை சேகரிக்கத் தொடங்கியது. ரஹானே 109 ரன்களும் புஜாரா 42 ரன்களும் அடித்தனர். இந்திய அணி முதன் இன்னிங்சில் 351 ரன்னில் ஆல்-அவுட் ஆனது.

இஷாந்த் அபாரம்

இதனைத் தொடர்ந்து இலங்கை அணி பேட்டிங் செய்தது. தொடக்க வீரர்கள் தனஞ்சயா டி சில்வா மற்றும் கவுசல் சில்வா ஆகியோர் ரன் எதுவும் எடுக்காத நிலையில் இஷாந்த் சர்மா விக்கெட்டை வீழ்த்தினார். கேப்டன் திரிமண்ணே 5 ரன்களில் இஷாந்தின் பந்துவீச்சில் வெளியேறினார்.

இந்தியாவின் பிராட்

உபுல் தரங்கா, பெரைரா ஆகியோரும் டக் அவுட் ஆனார்கள். இலங்கை அணி 10 ரன்களை எட்டுவதற்குள் 5 விக்கெட்டுகளை இழந்தது. இந்த 5 விக்கெட்டுகளையும் இஷாந்த் ஷர்மாதான் வீழ்த்தினார். இஷாந்த் சர்மா 21 பந்துகள் வீசி 5 ரன்களை மட்டுமே விட்டுக்கொடுத்து 5 விக்கெட்டுகளை வீழ்த்தினார்.

முன்னிலை

இதன்பிறகு வருண் ஆரோன், அஸ்வின் ஆகியோர் தலா 2 விக்கெட்டுகளையும், ஹர்பஜன் 1 விக்கெட்டுகளையும் வீழ்த்த, இலங்கை கிரிக்கெட் வாரிய தலைவர் அணி, 121 ரன்களில் அவுட் ஆனது. இந்தியா 230 ரன்கள் முன்னிலை பெற்றது. இஷாந்த் ஷர்மா 23 ரன்களை விட்டுக்கொடுத்து 5 விக்கெட்டுகளை வீழ்த்தினார். ஆஷஸ் தொடரில் இங்கிலாந்தின் ஸ்டூவர்ட் பிராட் 15 ரன்கள் கொடுத்து 8 விக்கெட் வீழ்த்தி ஆஸ்திரேலியாவை இழுத்து போட்டு அடித்ததை போல இருந்தது இஷாந்தின் பங்களிப்பு.

மீண்டும் கோஹ்லி சொதப்பல்

இதையடுத்து பாலோ-ஆன் கேட்காமல், ரோகித் ஷர்மா மற்றும் விராட் கோஹ்லி தொடக்க வீரர்களாக களமிறங்கினர். ஆனால், முதல் இன்னிங்சைவிட ஒரு ரன்னே அதிகமாக எடுக்க முடிந்தது ரோகித்துக்கு. 8 ரன்னில் நடையை கட்டினார். கோஹ்லியும் 18 ரன்களில் அவுட் ஆகி, இன்னும் ஃபார்முக்கு வரவில்லை என்பதை நிரூபித்தார். முன்னதாக விருத்திமான் சாஹா விக்கெட்டையும் இழந்து 3 விக்கெட் இழப்புக்கு 28 ரன்களுடன் தடுமாறிய இந்தியா, தொடர்ந்து ஆடிவருகிறது.