ISL 2019 : ஐஎஸ்எல் இறுதிப் போட்டியில் ஸ்பானிஷ் புரட்சி.. வெல்லப் போவது யார்?

மும்பை : ஹீரோ இந்தியன் சூப்பர் லீக் கால்பந்து போட்டிகளைப் பொறுத்தவரை ஸ்பெயினின் தாக்கம் இருந்து வருகிறது.

ஐஎஸ்எல் -ன் முதல் சாம்பியன் பட்டத்தை ஸ்பெயின் பயிற்சியாளர் அன்டோனியோ ஹபாஸ் பெற்றுக் கொடுத்தார். இதற்கு ஸ்பெயினிக் கிளப், அட்லெடிகோ டி மாட்ரிடினால் உதவியது.

முதல் சீசனில் முன்னாள் லா லீகா சாம்பியன்கள் அட்லெடிகோ டி கொல்கத்தாவுடன் இணைந்து பணி புரிந்தனர். இதையடுத்து முதல் மூன்று ஆண்டுகளில் கொல்கத்தா அணி இரண்டு முறை சாம்பியன் பட்டத்தை வென்றது.

முதல் சீசனில் ஏராளமான பிரஞ்சு வீரர்கள் அந்த அணியில் இடம் பெற்றிருந்தனர். வரும் ஞாயிற்றுக் கிழமை மும்பையில் நடைபெற உள்ள இறுதிப் போட்டியில் பெங்களூரு எஃப்சி மற்றும் எஃப்சி கோவா அணிகள் மோதுகின்றன. இந்தப் போட்டியில் ஸ்பானிஷ் வீரர்கள் தங்கள் பலத்தை நிரூபிக்க முயற்சி செய்ய உள்ளனர்.

ஐஎஸ்எல்-ன் இந்த சீசன் மட்டுமல்லாமல் ஒவ்வொரு சீசனிலும் பெங்களூரு மற்றும் கோவா அணிகளில் ஸ்பெயினின் ஆதிக்கம் தொடர்ந்து அதிகரித்துக் கொண்டே இருக்கிறது.

கோவா அணியின் பயிற்சியாளர் செர்ஜியோ லோபிரோ மற்றும் பெங்களூரு அணியின் பயிற்சியாளர் கார்ரெஸ் குவாட்ரெட் ஆகிய இருவரும் பார்ஸிலோனாவுடன் தொடர்புடைய ஸ்பெயினின் பயிற்சியாளர்கள் தான்.

ஸ்பெயினின் கத்தோலிக்க கிளப்பின் நுணுக்கங்களை பின்பற்றும் இவர்கள் இருவரும் எதிரெதிர் துருவங்களாக வரும் ஞாயிற்றுக் கிழமை மோத உள்ளனர்.

இந்த இரண்டு பயிற்சியாளகளுக்குமே இரு புறமும் நல்ல ஆதரவு உள்ளது. கோவா அணியின் பயிற்சியாளர் லோபிரா முன்னாள் எஃப்சி புனே சிட்டி அணியின் ஸ்டிரைக்கர் இயேசு டோட்டோ மற்றும் மானுவல் சயபேரா ஆகியோருடன் இணைந்து பணியாற்றிக் கொண்டிருந்தார்.

அதே நேரத்தில் ஸாரகோஸா, ஜேவியர் பினில்லோஸ் மற்றும் மைக்கெல் கில்லென் உள்ளிட்டோர் குவாட்ரெட்டுக்கு உதவி செய்தார்கள். ஃபெரான் கொராமினாஸ், எடு பேடியா, கார்லோஸ் பெனா, டிமாஸ், அலெக்ஸ், ஆல்பர்ட், சிஸ்கோ ஹெர்னாண்டஸ் மற்றும் ஜுனான் என அனைவரும் ஸ்பெயினைச் சேர்ந்தவர்கள்.

லோபிரா கோவா அணியின் பயிற்சியாளராக முதல் ஆண்டில் இருந்தபோது, ஆல்பர்ட்டா ரோகா பெங்களூரு அணிக்கு பொறுப்பாக இருந்தார். இதையடுத்து கடந்த சீசன் முதல் ஐஎஸ்எல் போட்டிகளில் ஸ்பானிஷ் அணுகுமுறை தொடர்ந்து கொண்டே இருக்கிறது.

பெங்களூரு மற்றும் கோவா அணிகள் மட்டுமல்ல மற்ற கிளப்புகளிலுமே ஸ்பானிஷ் அணுகுமுறையைத் தான் கடைப் பிடிக்கின்றனர். உதாரணமாக ஜாம்ஷெட்பூர் அணியின் பயிற்சியாளர் சீசர் ஃபெராண்டோ ஸ்பானிஷ் அணுகுமுறையைத்தான் பின்பற்றினார்.

இதே போல் டெல்லி டைனமோஸ் அணியின் பயிற்சியாளர் ஜோசப் கோம்புவோ கூட ஸ்பானிய வழியை தேர்வு செய்து பின்பற்றினார்.

வரும் ஞாயிறன்று ஐஎஸ்எல் கோப்பையை யார் வென்றாலும் அவர்கள் ஸ்பானிஷ் செல்வாக்குடன் தான் களமிறங்குவார்கள். அந்த ஸ்பானிஷ் முறை வெற்றி பெறுமா? அல்லது செல்லாததாகிவிடுமா? என்பது அப்போது தான் தெரியும்.