சக வீரர்கள் வாழ்த்து வீடியோ
அலஸ்டர் குக் ஓய்வு பெறுவதை ஒட்டி, அவருடன் சர்வதேச கிரிக்கெட் ஆடிய இங்கிலாந்து வீரர்கள் அனைவரும் அவருக்கு வாழ்த்து தெரிவிக்கும் வீடியோ ஒன்றை தயாரித்தது இங்கிலாந்து கிரிக்கெட் போர்டு. செல்பி வீடியோவில் அனைவரும் குக்கை வாழ்த்தி, தங்கள் பாராட்டுக்களை தெரிவித்து இருந்தனர்.
ஜேம்ஸ் ஆண்டர்சன் வாழ்த்து
இங்கிலாந்தின் முன்னணி பந்துவீச்சாளர் ஜேம்ஸ் ஆண்டர்சன் பாராட்டிய வீடியோ காட்சியும் அதில் இருந்தது. ஆனால், அதில் ஆண்டர்சன் கேமரா முன் பேசும் காட்சிகள் மட்டுமே உள்ளது. கேமரா ஆப் செய்து விட்டோம் என நினைத்து அவர் சில விஷயங்கள் பேசி உள்ளார். அதில் அவர் பேசிய விஷயங்கள் பெரும் அதிர்ச்சியை அளிப்பதாக உள்ளது.
|
கேமரா ஓடலன்னு நினைச்சு…
கேமரா முன் பேசிய ஆண்டர்சன், "வாழ்த்துக்கள். இது சரியான விஷயம். நல்லது நண்பரே.." என முடித்தார். இதை சொல்லியவுடன் கேமராவை கீழே வைத்த ஆண்டர்சன், "இது (வாழ்த்து) போதும். அந்த ஆள எனக்கு பிடிக்கவே பிடிக்காது. எப்ப பார்த்தாலும், இதை செய்றேன், அதை செய்றேன்னு சொல்லிகிட்டே இருப்பாரு. ஆட்டுக்குட்டி இப்ப வரும், அப்ப வரும்னு. இதெல்லாம் யாருக்கு தேவை? போர் அடிச்சிகிட்டு. அவர் ரெண்டு வருஷம் முன்னாடியே ஓய்வு வாங்கிட்டு போயிருக்கணும்" என கூறினார். அதன் பின் தான் கேமரா ஓடுகிறது என்பதை பார்த்து உடனே அதை ஆப் செய்தார்.
ஆண்டர்சனின் வேடம்
இந்த வீடியோவில் ஆண்டர்சன் சொல்லி இருப்பது, குக் இரண்டு ஆண்டுகளாக சரியாக ஆடவில்லை. அதை ஒப்புக் கொண்டு அப்போதே ஓய்வு பெறாமல், இதை செய்கிறேன், அதை செய்கிறேன் என காலத்தை ஓட்டி விட்டு இப்போது ஓய்வு பெறுகிறார் என்பது தான். ஊரே பாராட்டும் ஒருவரை பற்றி இப்படியா பேசுவார் ஆண்டர்சன்? அவர் மனதில் ஒருவரைப் பற்றி எப்படி சிந்திக்கிறார், வெளியே என்ன பேசுகிறார் என்பது இப்போது வெளியாகி விட்டது. இந்த வீடியோவின் பின்விளைவுகள் என்ன என்பது நாளை தெரிந்துவிடும்.