டெல்லி கேபிடல்ஸ் வெற்றி
ஐபிஎல்லின் 30வது போட்டி துபாய் சர்வதேச மைதானத்தில் டெல்லி கேபிடல்ஸ் மற்றும் ராஜஸ்தான் ராயல்ஸ் அணிகளுக்கிடையில் நேற்று நடைபெற்றது. இதில் 13 ரன்கள் வித்தியாசத்தில் டெல்லி கேபிடல்ஸ் அணி வெற்றி பெற்றுள்ளது. ராஜஸ்தான் ராயல்ஸ் அணி வீரர்களும் போட்டியில் சிறப்பாகவே ஆடினர்.
அவுட்டாக்கிய ஆர்ச்சர்
முதல் பந்திலேயே டெல்லி கேபிடல்ஸ் அணியின் முக்கிய வீரரான பிரித்வி ஷாவை டக் அவுட்டாக்கி வெளியேற்றினார் ஜோப்ரா ஆர்ச்சர். இதனால் டெல்லி கேபிடல்ஸ் அணியின் வீரர்கள் அதிர்ச்சிக்குள்ளாகினர். பின்னர் அடுத்துவந்த வீரர்கள் சமாளித்து ஆடினர்.
ஈடுகொடுத்த ரியான் பராக்
இதனிடையே, பிரித்வி ஷாவின் விக்கெட்டை வீழ்த்திய ஜோப்ரா ஆர்ச்சர் அசாமின் பாரம்பரிய நடனமான பிஹு நடனத்தை ஆடி தன்னுடைய உற்சாகத்தை வெளிப்படுத்தினார். அவருக்கு ரியான் பராக் நல்ல கம்பெனி கொடுத்தார். இருவரும் ஆடிய இந்த நடனத்தை டிவியில் மட்டுமே பார்க்க முடிந்தாலும், ரசிகர்களுக்கும் உற்சாகம் பற்றிக் கொண்டது.
|
ஆர்ச்சருக்கு கற்றுகொடுத்த பராக்
முன்னதாக கடந்த ஞாயிற்றுக்கிழமை சன்ரைசர்ஸ் ஐதராபாத் அணியை ராஜஸ்தான் ராயல்ஸ் அணி வெற்றி கொண்ட நிலையில், அதை கொண்டாடும்வகையில், அசாமை சேர்ந்த பராக், தன்னுடைய பாரம்பரிய நடனமான பிஹு நடனத்தை ஆடி கொண்டாடினார். அதை அவர் ஆர்ச்சருக்கும் கற்று கொடுத்த நிலையில், தற்போது ஆர்ச்சர் அந்த நடனத்தை ஆடியுள்ளது குறிப்பிடத்தக்கது.