அய்யா.. சாமி..! சத்தியமா நான் அப்படிப்பட்ட ஆள் இல்ல..! ஒரு பந்தால் பதறி உருகும் இளம் வீரர்

தடுமாறிய ஸ்மித்

இந்த போட்டியில் ஸ்மித் 70 ரன் எடுத்திருந்தபோது ஆர்ச்சர் பந்து வீச்சை எதிர்கொள்ள முடியாமல் தடுமாறினார். அப்போது அசுரவேகத்தில் ஆர்ச்சர் வீசிய பந்து 148 கிலோ மீட்டர் வேகத்தில் சென்று ஸ்மித்தின் ஹெல்மெட்டை பதம் பார்த்தது.

ஆர்ச்சரின் செயல்

அவர் அந்த பந்து பட்டதும் நிலைகுலைந்து கீழே விழுந்தார். அனைவரும் பதறியடிக்க, அதன்பின்னர் அடிபட்ட ஸ்மித்தை ஆர்ச்சர் அருகில் சென்று கூட பார்க்கவில்லை. ஆர்ச்சரின் இந்த செயலை பாகிஸ்தான் முன்னாள் வீரர் சோயிப் அக்தர் உள்ளிட்ட பல முன்னாள் வீரர்கள் கடுமையாக விமர்சித்தனர்.

தன்னிலை விளக்கம்

ரசிகர்களும் ஆர்ச்சரை வசைபாடினர். மனிதநேயமற்றவர், இரக்கமில்லாதவர் என்று திட்டி தீர்த்தனர். விமர்சனங்கள் கடுமையான காரணத்தால், ஒரு கட்டத்தில் ஆர்ச்சர் தன்னிலை விளக்கம் நிலைக்கு தள்ளப்பட்டார்.

உயிர் அப்பதான் வந்தது

இது குறித்து ஆர்ச்சர் கூறி இருப்பதாவது: ஸ்டீவ் ஸ்மித் கீழே விழுந்ததை அந்த தருணத்தில் எங்களின் இதயமே நொறுங்கி விட்டது. அவர் திரும்ப எழுந்த பின்னர் தான் எங்களுக்கு உயிரே வந்தது. யாரையும் ஸ்ட்ரெச்சரில் தூக்கி செல்ல வேண்டும் என்று எந்த தருணத்திலும் யாருமே நினைக்கமாட்டார்கள் என்று உருக்கமாக கூறினார்.