ஒரே நாளில் ஹீரோவான கேஎல் ராகுல்.. பேட்டிங்கில் சாதித்தது எப்படி? மனம் திறந்த குட்டி கோலி

விக்கெட்டை பார்த்தேன்

இது குறித்து செய்தியாளரிடம் பேசிய ராகுல் நான் மூன்று விக்கெட் இழந்த விதத்தை பார்த்தேன். மிச்செல் ஸ்டார்க் பந்தை நன்றாக ஸ்விங் செய்தார். பந்தை அவர் ஸ்டெம்புக்கு கொண்டு செல்லும்போது, அவர் மிகவும் அபாயகரமான பந்துவீச்சாளராக இருக்கிறார். நான் இன்று எப்போதும் போல் சாதாரண கிரிக்கெட் ஆட்டத்தையே வெளிப்படுத்தினேன்.

பதற்றம் போனது

முதலில் சில பவுண்டரிகள் அடிக்க முடிந்தது. அதன் பிறகு என்னுடைய பதற்றம் போனது. நான் சுப்மன் கில், ஹர்திக் பாண்டியா மற்றும் ஜடேஜா மூன்று வீரர்களுடன் பார்ட்னர்ஷிப் அமைத்து விளையாடினேன். அவர்களுடன் ஆடுகளத்தில் பந்துவீச்சாளர்களுக்கு உதவி இருக்கிறது. இதனால் ரன்களை சேர்க்காமல் அமைதியாக இருக்க வேண்டாம் ,ஷாட் அடிக்க முடிந்தால் அடித்து விளையாட வேண்டும் என்று தான் பேசினோம்.

முக்கிய திருப்பம்

நாங்கள் நேர்மறையான எண்ணங்களுடன் களத்தில் நின்று ஆஸ்திரேலியா வீரர்கள் மோசமான பந்தை வீசினால் அதை அடித்து ரன் சேர்க்க திட்டமிட்டு நமது ஷாட் விளையாடும்போது கால்கள் சரியாக இருந்தால் நாம் அன்று ஜொலிக்க முடியும். ஜடேஜாவுடன் இணைந்து விளையாடியது மிகவும் மகிழ்ச்சியாக இருந்தது. இடது கை பேட்ஸ்மேன் களத்திற்கு உள்ளே வந்த பிறகு எனக்கு சில ஈஸியான பந்துகள் கிடைத்தது.இது சிறந்த பவுலர்களுக்கு நிச்சயம் நடக்கும்.

பாராட்டு

ஜடேஜா களத்திற்கு வந்தது எங்களுக்கு சாதகமாக அமைந்தது. ஏனென்றால் அவர் விரைவாக ரன் ஓடுவார். அவரும் நல்ல பார்மில் இருக்கிறார். இந்த மாதிரி சூழலில் எப்படி விளையாட வேண்டும் என்று அவருக்கு நன்றாகவே தெரியும். நாங்கள் ரன்கள் சேர்க்க முயற்சித்த போது ஆடுகளம் பந்துவீச்சாளர்களுக்கு சாதகமாக இல்லை. சமி இரண்டாவது முறையாக பந்து வீசும் வரும்போது அவர் அதிசயத்தக்க வகையில் செயல்பட்டார் .

விக்கெட் கீப்பர் ராகுல்

ஒரு நாள் கிரிக்கெட்டில் ஆட்டத்தின் நடு ஓவர்களில் விக்கெட்டுகளை கைப்பற்றும் அணியே வெற்றி பெறும். ஆடுகளத்தில் பந்தின் பவுன்ஸ் நன்றாக இருந்தால் எனக்கு விக்கெட் கீப்பிங் செய்ய மிகவும் பிடிக்கும். ஆடுகளம் தோய்வாக இருந்தால்தான் விக்கெட் கீப்பிங் செய்வது மிகவும் கடினம். விக்கெட் கீப்பிங் திறமையை நான் இன்று வெளிப்படுத்தியதில் மகிழ்ச்சி என்று ராகுல் கூறியுள்ளார்.