5 பவுலர்களை வைத்து ஆடியதில் தவறில்லை.. சொல்கிறார் கோஹ்லி

பேட்ஸ்மேன்கள் மீதுதான் தவறு

எங்களது பந்து வீச்சாளர்கள் தவறு செய்யவில்லை. அவர்கள் சிறப்பாகவே செயல்பட்டனர். பேட்ஸ்மேன்கள் மீதுதான் தவறு. அவர்கள் சரியாக ஆடவில்லை. பொறுப்பை உணர்ந்து ஆடவில்லை.

துரத்துவதில் கவனம் சரியில்லை

176 ரன்கள் என்ற இலக்கை துரத்தும்போது இருக்க வேண்டிய பொறுப்பும், நிதானமும், எங்களது பேட்ஸமேன்களிடம் இல்லை. அதுவே தவறு.

5 பவுலர்கள் உத்தியில் தவறில்லை

5 பவுலர்கள் வைத்துக் கொண்டு ஆடியதை தவறாக நான் நினைக்கவில்லை. இன்னொரு பேட்ஸ்மேன் இருந்திருந்தால் நன்றாக இருந்திருக்கும் என்று நான் கருதவில்லை.

பேட்டிங்கை நாங்கள் சரியாக செய்யவில்லை

5 பவுலர்களை வைத்து 20 விக்கெட்களைச் சாய்க்க முடியும் என்ற நம்பிக்கையுடன் போட்டியில் நுழையும்போது, மீதமுள்ள 6 பேட்ஸ்மேன்களும் பொறுப்பாக ஆடியிருக்க வேண்டும். ஆனால் நாங்கள் ஆடவில்லை.

பவுலர்கள் மீது குறையே இல்லை

எங்களது பவுலர்கள் மீது எந்தக் குறையும் இல்லை. மிகச் சிறப்பாக அவர்கள் செயல்பட்டனர். சரியான முறையில் பந்து வீசவும் செய்தனர். நமது ஆதிக்கத்தையும் உறுதிப்படுத்தினர். ஆனால் பேட்ஸ்மேன்கள் தங்களது கடமையைச் சரியாகச் செய்யவில்லை என்றார் கோஹ்லி.