கோஹ்லியின் பாகிஸ்தான் பாசம்
கோஹ்லி எப்போதும் இந்திய அணியை மதிப்பதை போலவே பாகிஸ்தான் அணியையும் மதிக்க கூடியவர். பாகிஸ்தான் கிரிக்கெட் வீரர் முகமது அமீரின் பந்துவீச்சு குறித்து பலமுறை பாராட்டி இருக்கிறார். என்னால் அவரது பந்து வீச்சை மட்டுமே சமாளிக்க முடியாது என்று கூறியிருந்தார். இவர்கள் இருவரும் அந்த நிகழ்விற்கு பின் நண்பர்கள் ஆனது குறிப்பிடத்தக்கது.
கோஹ்லியை பாராட்டும் பாகிஸ்தான்
கோஹ்லிதான் என்னுடைய விருப்பமான பேட்ஸ்மேன் என்று முன்னாள் பாகிஸ்தான் வேகப்பந்து வீச்சாளர் சோயப் அக்தர் பேசி இருந்தார். அவருடைய காலத்தில் நல்லவேளை நான் பந்து வீசவில்லை என்று குறிப்பிட்டு இருந்தார். அதேபோல் ஷாஹித் அப்ரிடியும் கோஹ்லி மிகவும் திறமையான வீரர் என்றார். மேலும் கோஹ்லி பல சாதனைகளை முறியடிக்க வாய்ப்பு இருக்கிறது என்றும் குறிப்பிட்டு இருந்தார்.
அதிகமாக தேடினார்கள்
கோஹ்லியை போலவே பாகிஸ்தான் நாட்டில் அஹமது ஷேஷாத் என்று கிரிக்கெட் வீரர் இருக்கிறார். பார்ப்பதற்கு அப்படியே கோஹ்லியை போலவே இருப்பார், இவர் பேட்டிங் ஸ்டைலும், கோஹ்லி பேட்டிங் ஸ்டைலும் கிட்டத்தட்ட ஒன்று போலவே இருக்கும். இதன் காரணமாகவும் கோஹ்லியை பாகிஸ்தான் ரசிகர்கள் விழுந்து விழுந்து தேடி இருக்கின்றனர். அதேபோல் கோஹ்லி பற்றி பாகிஸ்தான் வீரர்கள் பேசியதையும் தேடி உள்ளனர்.
முதல் இடம் பிடித்தார்
கோஹ்லியை பாகிஸ்தான் ரசிகர்கள் பல முறை கூகுளில் தேடியதால் கூகுள் டிரெண்ட்ஸில் அவர் முதல் இடம் பிடித்து உள்ளார். 2017ல் பாகிஸ்தானில் அதிகம் தேடப்பட்ட கிரிக்கெட் வீரர் பட்டியலில் அவர் முதல் இடம் பிடித்துள்ளார். அவருக்கு அடுத்து சாஃப்ரஸ் அஹ்மது, முகமது அமீர், அஹ்மது ஷேஷாத் ஆகியோர் இடம்பிடித்து உள்ளனர்.