கிரிக்கெட்டில் சச்சின் "அய்யா" என்றால் கோஹ்லி "சின்னய்யா".. !

10 ஒரு நாள் போட்டிகள்

விராத் கோஹ்லி இந்த ஆண்டு 10 ஒரு நாள் போட்டிகளில் ஆடியுள்ளார். இதில் ஆஸ்திரேலியாவில் நடந்த அந்த அணிக்கு எதிரான 5 ஒரு நாள் போட்டிகளில் அவர் 381 ரன்களைக் குவித்தார். இந்தியாவில் நியூசிலாந்துக்கு எதிராக நடந்த 5 ஒரு நாள் போட்டிகளில் 358 ரன்களை விளாசினார்.

11 டெஸ்ட்

11 டெஸ்ட் போட்டிகளில் இந்த ஆண்டு கோஹ்லி விளையாடியுள்ளார். இதில் மேற்கு இந்தியத் தீவுகளுக்கு எதிராக அங்கு நடந்த 4 டெஸ்ட் போட்டிகளில் அவர் 251 ரன்கள் எடுத்தார். அதில் இந்த ஆண்டில் தனது முதல் இரட்டை சதத்தை அவர் பதிவு செய்தார். நியூசிலாந்துக்கு எதிராக 3 போட்டிகளில் ஆடி 309 ரன்களைக் குவித்தார். அதில் ஒரு இரட்டை சதமும் அடக்கம். இப்போது ஆஸ்திரேலியாவுக்கு எதிராக 4 போட்டிகளில் ஆடி 551 ரன்களைக் குவித்துள்ளார். இதிலும் ஒரு இரட்டை சதம் அடக்கமாகும்.

டி20 போட்டிகள்

உலகக் கோப்பை, ஐபிஎல், ஆசியா கோப்பை உள்பட மொத்தம் 31 டி20 போட்டிகளில் விளையாடியுள்ளார் கோஹ்லி. இதில் மொத்தமாக 1614 ரன்களைக் குவித்துள்ளார். இதில் ஐபிஎல்லில் மட்டும் அவர் 973 ரன்களைக் குவித்தார்.

மொத்தம் 3465

இந்த ஆண்டு மொத்தம் 52 போட்டிகளில் விளையாடியுள்ள விராத் கோஹ்லி, 3465 ரன்களைக் குவித்துள்ளார். பேட்டிங் சராசரி 86.63 சதவீதமாகும்.

11 ஃபுல்...20 ஹாஃப்!

இந்த ஆண்டு 11 சதம் போட்டுள்ள கோஹ்லி, 20 அரை சதங்களையும் விளாசியுள்ளார். அவரது பேட்டிங்கின் அபார திறமையை கண்டு வியந்த ரசிகர்கள். வரும் ஆண்டிலும் இதேபோல கோஹ்லி விளாச வேண்டும் என்று விருப்பப்படுகின்றனர்.

கிரிக்கெட்டில் சச்சின் "அய்யா" என்றால் கோஹ்லி "சின்னய்யா".. !