கோஹ்லிக்கு திருமணம்
விராட் கோஹ்லி - அனுஷ்கா சர்மா கடந்த டிசம்பர் 11ம் தேதி இத்தாலியில் உள்ள மிலன் நகரில் திருமணம் செய்து கொண்டனர். இந்த திருமணத்திற்காக விராட் கோஹ்லி விடுப்பு எடுத்து இருந்தார். இதனால் அவர் இலங்கைக்கு எதிரான ஒருநாள் மற்றும் டி-20 போட்டியில் கலந்து கொள்ளவில்லை. இனி தென்னாப்பிரிக்க அணிக்கு எதிராக நடக்கும் போட்டியில் மட்டும் இவர் கலந்து கொள்வார்.
தரவரிசை பட்டியல்
தற்போது ஐசிசி அமைப்பு சர்வதேச டி-20 போட்டிகளுக்கான தரவரிசை பட்டியலை வெளியிட்டு இருக்கிறது. அந்த பட்டியலில் இந்தியா 2வது இடத்திற்கு முன்னேறி இருக்கிறது. இலங்கைக்கு எதிரான தொடரில் 3-0 என்ற கணக்கில் வெற்றி பெற்றதால் இந்த இடம் இந்தியாவிற்கு கிடைத்துள்ளது. அதேபோல் சாஹல் 30வது இடத்தில் இருந்து 16வது இடத்திற்கு முன்னேறி இருக்கிறார். முதல் இடத்தில் பாகிஸ்தான் அணி இருக்கிறது.
பின்னுக்கு சென்றார்
இந்த தொடரில் கலந்து கொள்ளாத காரணத்தால் கோஹ்லிக்கு 6 புள்ளிகள் குறைந்து இருக்கிறது. இதனால் டி-20 தரவரிசையில் முதல் இடத்தில் இருந்த கோஹ்லி மூன்றாம் இடத்திற்கு பின்தங்கி இருக்கிறார். ஆனால் ஒருநாள் தரவரிசையில் இன்னும் முதல் இடத்தில் தான் இருக்கிறார் என்பது குறிப்பிடத்தக்கது.
சாதனை
இதற்கு முன் அவர் ஒருநாள் மற்றும் டி-20 போட்டியில் முதல் இடத்தில் இருந்தார். டெஸ்ட் போட்டியில் மட்டும் இரண்டாம் இடம் வகித்தார். தென்னாபிரிக்க போட்டியில் சரியாக விளையாடினால் இவர் டெஸ்டிலும் முதல் இடம் பிடிக்க முடியும். இதன் மூலம் இவர் ரிக்கி பாண்டிங்கின் சாதனையை முறியடிக்க முடியும் என்று கூறப்பட்டது. ஆனால் தற்போது அவர் எடுத்த விடுமுறை காரணமாக அந்த சாதனை கைநழுவிப் போய் இருக்கிறது.