பேஷ், பேஷ்.. நண்டுக்கறி ரொம்ப நல்லா இருக்கு.. கொழும்பில் கோஹ்லி அதகளம்!

சுற்றுப் பயணம்

இந்திய கிரிக்கெட் அணி இலங்கையில் சுற்றுப் பயணம் மேற்கொண்டு, 3 டெஸ்ட் போட்டிகள் கொண்ட தொடரில் ஆட உள்ளது. இதையொட்டி, இந்திய அணி இலங்கை தலைநகர் கொழும்பு சென்று சேர்ந்துள்ளது. அங்கு தீவிர வலைப் பயிற்சியில் வீரர்கள் ஈடுபட்டுவருகின்றனர்.

நண்டு கறி

இந்த கேப்பில், கிடா வெட்டியுள்ளார் கேப்டன் விராட் கோஹ்லி. நேற்றிரவு கொழும்பிலுள்ள 'Ministry of Crab' என்ற நண்டு ஸ்பெஷல் ரெஸ்டாரண்டுக்கு சென்று ஒரு பிடி பிடித்து ஏப்பம்விட்டுள்ளார் கோஹ்லி.

இலங்கை வீரர்கள்

இந்த ரெஸ்டாரண்ட், இலங்கையின் பிரபல கிரிக்கெட் வீரர்களான குமார் சங்ககாரா மற்றும் ஜெயவர்த்தனே ஆகியோரால் இணைந்து நடத்தப்படுகிறது. விரைவில் இந்தியாவிலும் இந்த ரெஸ்டாரண்டை திறக்க அவர்கள் திட்டமிட்டுள்ளனர்.

கோடான கோடி நன்றிகள்

சாப்பிட்டு முடித்த கையோடு, டிவிட்டரில் குமார்சங்ககாரா மற்றும் ஜெயவர்த்தனேக்கு நன்றி சொல்லியுள்ளார் கோஹ்லி. இப்படித்தான் ஆஸ்திரேலிய சுற்றுப் பயணத்தில் இரவு நேரங்களில் காதலி அனுஷ்காவுடன் ரெஸ்டாரண்டுகளில் சுற்றி திரிந்தார் கோஹ்லி.

மனுஷன் வாழ்றாருய்யா என்ற புலம்பல் சத்தம் டிரெஸ்சிங் ரூமில் இருந்து கேட்க தொடங்கியுள்ளதாம்.