தோனி மாதிரி ஒரு விக்கெட் கீப்பர் கிடைக்க நாங்க 2 பேரும் கொடுத்து வைச்சுருக்கணும்!!

தோனியின் உதவி

தோனி பலமுறை சுழற் பந்துவீச்சாளர்களுக்கு விக்கெட் வேட்டை நடத்த உதவியுள்ளார். அஸ்வின் - ஜடேஜா இருந்த போதும், அடுத்து குல்தீப் யாதவ் - சாஹல் பந்து வீசி வரும் போதும், நாம் இதை பல முறை பார்த்திருக்கிறோம். தோனியின் உதவி குறித்து குல்தீப் யாதவ் பல முறை பேசியிருக்கிறார். சமீபத்தில் பேசிய போது, தோனியை புகழ்ந்து தள்ளினார்.

வழிகாட்டி

ஆஜ் தக் தொலைக்காட்சிக்கு பேட்டி அளித்த குல்தீப் யாதவ், "நான் அறிமுகமானதில் இருந்து தோனியுடன் ஆடி வருகிறேன். அவர் ஏதேனும் செய்தி சொல்ல வேண்டுமென்றால் உடனடியாக சொல்லுவார். எங்களுக்கு வழிகாட்டியாக எப்போதும் இருக்கிறார். விக்கெட் கீப்பர் உங்களை அந்தளவிற்கு ஆதரித்தால், அது பந்துவீச்சாளருக்கு எளிதாக இருக்கும்." என குறிப்பிட்டார்.

தோனியின் அனுபவம்

"பல சமயங்களில் சூழ்நிலையை பந்துவீச்சாளரால் புரிந்து கொள்ள முடியாது. ஆனால், விக்கெட் கீப்பர் புரிந்து கொள்ள முடியும். தோனி அப்படிப்பட்டவர். அவருக்கு நிறைய அனுபவம் உண்டு. ஆவர் எங்களுக்கு சிறிய விஷயங்களை கூட கூறுவார். அவர் கூறவில்லை என்றால், நானே அவரிடம் வழிகாட்டுமாறு கேட்பேன்" என்றார் குல்தீப் யாதவ்.

கொடுத்து வைச்சுருக்கணும்

"சாஹல் மற்றும் நான், இருவரும் தோனியுடன் ஆடுவதை பெரிய அதிர்ஷ்டமாக கருதுகிறோம். ஸ்டம்ப்புக்கு பின் தோனி இருப்பதால், எங்கள் பந்துவீச்சு எளிதாகி இருக்கிறது" என குல்தீப் புகழ்ந்து தள்ளினார்.