பேசாம இவங்கள ஐ.பி.எலில் சேர்த்துக்குங்க,,! 18 பந்துகளில் அரைசதம்.. கடைசி ஓவரில் 8 ரன் அடிக்கவிடாத லீ

கிப்ஸ் அதிரடி

பீட்டர்சன் 11 ரன்களில் ஆட்டமிழக்க, மஸ்டர்ட் 33 பந்துகளில் 57 ரன்கள் அடித்து அதிரடியை காட்டினார்.இதன் பின்னர் களமிறங்கிய தென்னாப்பிரிக்க வீரர் கிப்ஸ், 7 சிக்சர்கள், 7 பவுண்டரிகளை விளாசி 46 பந்துகளில் 89 ரன்கள் குவித்தார்.

228 ரன்கள் குவிப்பு

இறுதியில் கேவின் ஓ பிரைன் 34 ரன்களும், ஆல்பி மார்கல் 16 ரன்களும், ஜான்டி ரூட்ஸ் 20 ரன்களும் அடிக்க, உலக ஜியன்ட்ஸ் அணி 20 ஓவர் முடிவில் 5 விக்கெட் இழப்பிற்கு 228 ரன்கள் குவித்தது. இந்திய பந்துவீச்சாளர்கள் தரப்பில் முனாஃப் பட்டேல் 2 விக்கெட்டுகளை வீழ்த்தினார்.

இந்தியா அதிரடி

229 ரன்கள் எடுத்தால் வெற்றி என்ற இலக்குடன் களமிறங்கிய வசிம் ஜாபர் 4 ரன்களிலும்,பத்ரிநாத் 2 ரன்களிலும் ஆட்டமிழந்தனர். இதனையடுத்து ஜோடி சேர்ந்த நமன் ஓஜா, யூசுப் பதான் ஆகியோர் அதிரடியாக விளையாடி ரன்களை குவித்தனர். யூசுப் பதான் 5 சிக்சர்களை விளாசி 22 பந்துகளில் 45 ரன்கள் குவித்தார்.

பிரட்லீ அசத்தல்

சிறப்பாக விளையாடிய நமன் ஓஜா 51 பந்துகளில் 95 ரன்கள் விளாசினார். இதில் 7 சிக்சர்கள் அடங்கும். இறுதியில் இர்பான் பதான் 18 பந்துகளில் அரைசதம் விளாச, கடைசி ஓவரில் இந்திய மகராஜ் வெற்றிக்கு 8 ரன்கள் தேவைப்பட்டது. ஆனால் பிரட் லீ, தனது அசுர வேக பந்தவீச்சால் 2 ரன்கள் மட்டுமே விட்டு கொடுக்க உலக அணி வெற்றி பெற்றது. இதன் மூலம் நாளை இறுதி போட்டியில் ஆசிய லையன்ஸ் மற்றும் உலக ஜியன்ட்ஸ் அணிகள் மோதுகின்றன.