Life is Very Short Nanba.. அந்த முரளி விஜய் சிரிப்பைப் பாருங்களேன்.. அடடே அடடா!

தீவிரப் பயிற்சியில் சிஎஸ்கே

சென்னையில் சேப்பாக்கம் எம்ஏ சிதம்பரம் ஸ்டேடியத்தில் கேப்டன் தோனியும், இதர வீரர்களும் தீவிர வலைப் பயிற்சியில் ஈடுபட்டுள்ளனர். தோனியைக் காண ரசிகர்கள் குவிந்தபடி உள்ளனர். அதேபோல மற்ற வீரர்களும் தீவிர பயிற்சியில் ஈடுபட்டுள்ளனர். இந்த முறை கப்பைத் தூக்காமல் விடக் கூடாது என்பதில் சென்னை சூப்பர் கிங்ஸ் தீவிரமாகவே உள்ளது.

கேப்டன் தோனிக்கு முக்கிய தொடர்

அதை விட முக்கியமாக தோனிக்கு இந்தத் தொடர் மிகவும் முக்கியமானது. காரணம் இதில் அவர் விளையாடப் போவதை பொறுத்துதான் அவரது எதிர்காலமே உள்ளது. இதனால் அவர் தனிப்பட்ட முறையில் ஒரு கேப்டனாக, நல்ல பேட்ஸமேனாக, நல்ல விக்கெட் கீப்பராக சிறப்பாக செயல்பட முனைவார். இதேபோலத்தான் சுரேஷ் ரெய்னா போன்ற மற்ற வீரர்களும்.

சுரேஷ் ரெய்னாவுக்கும் இது முக்கியம்

சில வீரர்கள் ஐபிஎல்லில் மட்டும் அசத்தலாக விளையாடுவார்கள். ரன் குவிப்பார்கள். விக்கெட்களை சாய்ப்பார்கள். அப்படிப்பட்ட வீரர்களில் ஒருவர்தான் முரளி விஜய். ஐபிஎல் போட்டிகளில் பல சாதனைகளை வைத்துள்ளார் முரளி விஜய். இடையில் வேறு அணிக்கு இடம் மாறியிருந்த முரளி விஜய், இந்த சீசனில் சென்னைக்கு ஆடுகிறார்.

விஜய் பாட்டை வைத்து டிவீட்

முரளி விஜய்யும், சுரேஷ் ரெய்னாவும் நேற்று நடந்த வலைப் பயிற்சியின்போது எடுத்த புகைப்படத்தை சென்னை சூப்பர் கிங்ஸ் அணி தனது டிவிட்டர் பக்கத்தில் போட்டுக் கலாய்த்துள்ளது. அதில், Life is very short nanba, always be happy! என்று நடிகர் விஜய்யின் மாஸ்டர் பட சூப்பர் ஹிட் பாடல் வரியைப் போட்டு நல்லா சிரிங்க.. மஞ்சள் கலருக்கு விசில் போடுங்க என்றும் பன்ச் கொடுத்துள்ளது. சும்மா சொல்லக் கூடாதுங்க.. சுரேஷ் ரெய்னாவும் சரி, முரளி விஜய்யும் சரி ரொம்ப நல்லாவே சிரிச்சிருக்காங்க.