பேச்சிலர் கோஹ்லி டூ புது மாப்பிள்ளை கோஹ்லி... 2017ல் இவர் செய்த சாதனைகள் என்ன தெரியுமா?

லாரா செய்த சாதனை

இந்த வருடம் இலங்கைக்கு எதிரான டெஸ்ட் போட்டியில் கோஹ்லி இரண்டு சதம் அடித்தார். ஒரே தொடரில் இரண்டு சதம் அடித்த இந்திய கேப்டன் இவர் மட்டுமே. மேலும் இதன் மூலம் கோஹ்லி 6 இரட்டை சதம் அடித்து இருக்கிறார். இதன் மூலம் இவர் பிரைன் லாராவின் 5 இரட்டை சத சாதனையை முறியடித்தார்.

சதம் சதம் சதம்

கோஹ்லி இதுவரை டெஸ்ட் மற்றும் ஒருநாள் போட்டிகளை சேர்த்து 52 சதங்கள் அடித்து இருக்கிறார். ஒருநாள் போட்டியில் சச்சினின் 49 சதம் சாதனையை இவர் விரைவில் முறியடித்து விடுவார். இலங்கைக்கு எதிரான தொடரில் மூன்று டெஸ்டிலும் சதம் அடித்தார். இதனால் 3 டெஸ்ட் போட்டிகள் கொண்ட தொடரின் அனைத்து டெஸ்டுகளிலும் சதம் விளாசிய ஒரே இந்திய கேப்டன் என்ற சாதனையை படைத்தார்.

டக் சாதனை

அதே தொடரில் கோஹ்லி இன்னொரு சாதனையும் செய்தார். தொடர்ந்து 11 பந்துகள் விளையாடிய கோஹ்லி ஒரு ரன் கூட எடுக்காமல் டக் அவுட் ஆனார். 1983ல் 31 போட்டிகளில் 5 முறை கபில்தேவ் டக்அவுட்டாகியிருந்தார். இதன் மூலம், ஒரே வருடத்தில் அதிக முறை டக்அவுட்டான இந்திய கேப்டன்கள் வரிசையில் கபில் தேவை கோஹ்லி சமன் செய்துள்ளார்.

அதிவேகம்

இந்த வருடம் அதிகமாக ரன் எடுத்த காரணத்தால் கோஹ்லி எளிதாக 9000 ரன்னை கடந்தார். இதனால் வேகமாக 9000 ரன் எடுத்த டி வில்லியர்ஸ் சாதனையை முறியடித்தார். டிவில்லியர்ஸ் 205 போட்டிகளில் செய்த சாதனையை கோஹ்லி 202 போட்டிகளிலேயே முறியடித்தார் என்பது குறிப்பிடத்தக்கது.

கோஹ்லிக்கு திருமணம்

சாதனைகளால் எல்லோரையும் சந்தோசபடுத்திய கோஹ்லி சத்தமில்லாமல் இன்னொரு சர்ப்ரைஸும் கொடுத்துள்ளார். அதன்படி இந்த டிசம்பர் 11ம் தேதி கோஹ்லிக்கும் அவரது காதலி அனுஷ்கா சர்மாவிற்கும் திருமணம் நடந்தது. இந்த திருமணம் இத்தாலியில் நடந்தது. இதுவரை பேச்சிலராக கிரிக்கெட் களம் புகுந்த கோஹ்லி முதல்முறை குடும்பஸ்தனாக களம் இறங்க உள்ளார்.