8 ரன்கள்.. 7 விக்கெட்டுகள்.. சரணடைந்த டெல்லி.. எப்படி? அந்த 20 நிமிடங்கள்.. நடந்தது என்ன?

8 ஓவரில் 49 ரன்கள்

இருவரும் நிதானமாக ஆட, பவர்ப்ளே ஓவரில் 49 ரன்களை எடுத்தது டெல்லி அணி. 8வது ஓவரில் ஸ்ரேயாஸ் அய்யர் வெளியேற, அடுத்த சில ஓவரில் தவானும் பெவிலியன் திரும்பினார்.

சரிவில் இருந்து மீட்டனர்

82 ரன்களுக்கு 3 விக்கெட்டுகள் என டெல்லி தடுமாறியது. 4-வது விக்கெட்டுக்கு ரிஷப்பந்த், இங்ராம் ஜோடி சேர்ந்து அணியைச் சரிவில் இருந்து மீட்டனர். இருவரும் களத்தில் நிலைத்ததால், அணியின் வெற்றி உறுதி என்று தான் அனைவரும் நம்பினர்.

17வது ஓவர்

ஆனால்... களத்தில் நடந்ததோ வேறு. முகமது சமி வீசிய 17வது ஓவர் தான் ஒட்டுமொத்த போட்டியின் திருப்புமுனை என்றே சொல்லலாம். அப்போது களத்தில் இருந்தது ரிஷப் பண்ட். 39 ரன்கள் சேர்த்த நிலையில் 4வது பந்தில் கிளீன் போல்டாகி வெளியேறினார்.

உடைந்த பார்ட்னர்ஷிப்

4வது விக்கெட்டுக்கு இருவரும் 62 ரன்கள் சேர்த்தனர். இதுதான் டெல்லி அணியின் அதிகபட்ச பார்ட்னர்ஷிப். அடுத்து மோரிஸ் களமிறங்கினார். சமி வீசிய அதே ஓவரின் 5-வது பந்தில் ரன் அவுட்டானார்.

டக் அவுட்

18வது ஓவர் தான் இந்த ஐபிஎல் தொடரில் முக்கிய அம்சம். 4வது பந்தில் இங்ராம், அதே ஓவரின் கடைசி பந்தில் டக் அவுட்டில் ஆட்டமிழந்தார். இந்த ஓவரிலும் இரு விக்கெட்டுகளை இழக்க, ஆட்டம் பஞ்சாப் வசம் சென்றது.

4 விக்கெட்டுகள்

19வது ஓவரில் சமி வீசிய 3வது பந்தில் விஹாரி 2 ரன்களில் வெளியேறினார். 144 ரன்களுக்கு 4 விக்கெட்டையும் அடுத்த 4 ரன்களுக்குள் 4 விக்கெட்டுகளையும் டெல்லி இழந்தது.

கர்ரன் சாதனை

20வது ஓவரை சாம் கரண் வீசினார். தான் வீசிய இரு பந்துகளிலும் ரபாடாவையும், லாமிசாவைனையும் க்ளீன் போல்டு செய்தார் கர்ரன். அதாவது 18வது ஓவரின் கடைசி பந்தில் ஒரு விக்கெட்டும், 20வது ஓவரில் அடுத்தடுத்து இரு விக்கெட்டுகளையும் வீழ்த்தி ஹாட்ரிக் சாதனை படைத்தார் கர்ரன்.

மறக்க முடியுமா?

டெல்லி அணி வெற்றியை பெற வேண்டிய ஒரு ஆட்டம்... கடைசி 20 நிமிடங்களில் ஒட்டுமொத்தமாக மாறிப் போனது. இந்த போட்டி யார் மறந்து போகிறார்களோ... இல்லையோ.... டெல்லிக்கு என்றும் மறக்கமுடியாத ஒரு போட்டி என்பதை அடித்துச் சொல்லலாம்.