பஞ்சாப் கொடுத்த 14 கோடி நல்லா வேலை செய்யுது..!! இந்திய அணியை காப்பாற்றிய மாயங்..!!

ஆஸ்திரேலியா தொடர்

தனது 27வது வயதில் ஆஸ்திரேலிய சுற்றுப்பயணம் போது மாயங் அகர்வாலுக்கு வாய்ப்பு அளிக்கப்பட்டது. அதில் மாயங் அகர்வால் பலமான ஆஸ்திரேலிய பந்துவீச்சை எதிர்கொண்டு முதல் இன்னிங்சிலே 76 ரன்களை அடித்தார்.மீண்டும் சிட்னி டெஸ்ட் போட்டியிலும் அவர் 77 ரன்கள் விளாசி தனது இடத்தை பூர்த்தி செய்தார்.

சிறப்பான ஆண்டு

இந்தியா ஏ, உள்ளூர் போட்டியில் கலக்கிய மாயங் அகர்வாலுக்கு, 2019ஆம் ஆண்டு சிறப்பாகவே அமைந்தது.தென்னாப்பிரிக்காவுக்கு எதிரான தொடரில் இரட்டை சதம், சதம் என விளாசிய அவர், வங்கதேசத்துக்கு எதிரான டெஸ்ட் தொடரிலும் இரட்டை சதம் விளாசினார். இதன் மூலம் ஓப்பனராக தனது இடத்தை உறுதிப்படுத்தி கொண்ட மாயங் அகர்வாலுக்கு நியூசிலாந்து சுற்றுப்பயணம் கைக்கொடுக்கவில்லை.இருப்பினும் அவர் ஒரு டெஸ்டில் அரைசதம் விளாசினார்.

நீக்கம்

மீண்டும் 2020ஆம் ஆண்டு ஆஸ்திரேலியா சுற்றுப்பயணத்தில் களமிறங்கிய மாயங் அகர்வால், பெரிதாக சாதிக்கவில்லை. தொடர்ந்து சொதப்பியதாலும், கே.எல்.ராகுல், ரோகித் சர்மா, சுப்மான் கில் ஆகியரின் வருகையாலும் , மாயங் அகர்வாலின் டெஸ்ட் இடம் பறிப்போனது. இருப்பினும் ஐ.பி.எல். போட்டிகளில் பஞ்சாப் அணிக்காக சிறப்பாக விளையாடியதால், தற்போது 14 கோடி ரூபாய்க்கு தக்கவைத்துள்ளார்

Recommended Video

IPL Auction 2022: Retentionsக்கு பிறகு எந்த Teamsக்கு Trouble ஆகும் | OneIndia Tamil

சதம்

முதல் டெஸ்டில் சொதப்பிய அகர்வால், மும்பை டெஸ்டில் தனது திறமையான ஆட்டத்தை வெளிப்படுத்தினார். மற்ற வீரர்கள் திணறினாலும், தனது நேர்த்தியான ஆட்டத்தால் அகர்வால் ஆதிக்கம் செலுத்தினார். இதன் மூலம் டெஸ்ட் அரங்கில் தனது 4வது சதத்தை பூர்த்தி செய்தார். 2 ஆண்டுகள், 13 இன்னிங்ஸ்க்கு பிறகு சதம் விளாசி அசத்தியிருக்கிறார் மாயங் அகர்வால்.