மும்பை சொதப்பல் பேட்டிங்.... 14 ரன்களில் பெங்களூர் அபார வெற்றி!

நம்பிக்கையில் மும்பை

இரு அணிகளும் இந்த சீசனில் இரண்டாவது முறையாக மோதுகின்றன. மும்பையில் நடந்த முதல் ஆட்டத்தில் மும்பை அணி 46 ரன்களில் வென்றது. அதனால் இன்றைய ஆட்டத்திலும் வெல்வோம் என்ற நம்பிக்கையுடன் மும்பை களமிறங்கியது.

யாருக்கு கொண்டாட்டம்

மும்பை கேப்டன் ரோஹித் சர்மாவுக்கு நேற்று பிறந்தநாள். பெங்களூர் கேப்டன் விராட் கோஹ்லியின் மனைவி அனுஷ்கா சர்மாவுக்கு இன்று பிறந்தநாள். இன்றைய ஆட்டத்தின் வெற்றியுடன் யார் பிறந்த நாளைக் கொண்டாடுவர் என்ற எதிர்பார்ப்பு இருந்தது.

மும்பைக்கு சுலப இலக்கு

டாஸை வென்ற மும்பை இந்தியன்ஸ் பவுலிங் தேர்வு செய்தது. அதன்படி முதலில் பேட்டிங் செய்த பெங்களுர் 20 ஓவர்களில் 7 விக்கெட் இழப்புக்கு 167 ரன்கள் எடுத்தது. மானன் வோரா 45, பிரான்டன் மெக்கலாம் 37, விராட் கோஹ்லி 32 ரன்கள் எடுத்தனர். மற்றவர்கள் சொற்ப ரன்களுக்கு ஆட்டமிழந்தனர். ஹார்திக் பாண்டயா போட்டியின் 17 ஓவரில் மூன்று விக்கெட்களை வீழ்த்தினார்.

வாய்ப்பை இழந்தது

168 ரன்கள் வெற்றி இலக்குடன் களமிறங்கிய மும்பை, 20 ஓவர்களில் 7 விக்கெட் இழப்புக்கு 153 ரன்கள் மட்டுமே எடுத்தது. இதன் மூலம் பெங்களூர் 14 ரன்கள் வித்தியாசத்தில் வென்றது. மும்பையின் டுமினி 23, குருணால் பாண்டயா 23 ரன்களும் எடுத்தனர். கடைசி ஓவரில் 25 ரன்கள் தேவை என்ற நிலையில் 50 ரன்கள் எடுத்து போராடி வந்த ஹார்திக் பாண்டயா அவுட்டானார்.

பெங்களூர் அணியின் உமேஷ் யாதவ், டிம் சைதி, முகமது சிராஜ் தலா 2 விக்கெட்டை வீழ்த்தினர். இந்த வெற்றியை அடுத்து பெங்களூரு அணி 6 புள்ளிகளைப் பெற்று புள்ளிப் பட்டியலில் 5வது இடத்துக்கு முன்னேறியது. மும்பை இந்தியன்ஸ் 7வது இடத்துக்கு தள்ளப்பட்டது.