MI vs RR போட்டியிலும் மழை குறுக்கிட வாய்ப்பு..கவுஹாத்தி வானிலை என்ன? பிட்ச் ரிப்போர்ட் புள்ளி விவரம்

கவுஹாத்தி: ஐபிஎல் 2026 தொடரின் 13வது போட்டியில், அசைக்க முடியாத ராஜஸ்தான் ராயல்ஸ் அணியிடன்,பலம் வாய்ந்த மும்பை இந்தியன்ஸ் அணிகள் குவஹாத்தி பர்சபாரா ஸ்டேடியத்தில் செவ்வாய்க்கிழமை இன்று மோதுகின்றன. பேட்டிங்கிற்கு சாதகமான பிட்ச் இருந்தும், மழைப்பொழிவு போட்டிக்கு பெரும் அச்சுறுத்தலாக உள்ளது.

தொடர் வெற்றிகளுடன் ராஜஸ்தான் புள்ளிப் பட்டியலில் இரண்டாம் இடத்தில் உள்ளது. யஷஸ்வி ஜெய்ஸ்வால், வைபவ் சூரியவன்ஷி ஆகியோர் சிறப்பான தொடக்கம் தர, துருவ் ஜூரல் மிடில் ஆர்டரில் அசத்துகிறார். கேப்டன் ரியான் பராக் சிறந்த தலைமையை வெளிப்படுத்த, ரவி பிஷ்னோய், துஷார் தேஷ்பாண்டே ஆகியோர் நல்ல ஃபார்மில் உள்ளனர்.

மும்பை இந்தியன்ஸ், டெல்லி கேபிடல்ஸிடம் 6 விக்கெட் வித்தியாசத்தில் தோல்வியடைந்தது. உடல்நலக்குறைவு காரணமாக ஹர்திக் பாண்டியா இல்லாதது, குறிப்பாக மெதுவான பிட்ச்சில் அவரது ஆல்ரவுண்டர் மதிப்பு, பெரும் இழப்பாக அமைந்தது. ஹர்திக் பயிற்சிக்குத் திரும்பி இருப்பதால், அவரது முழு உடறகுதிக்காக அணி காத்திருக்கிறது.

ஹர்திக் இல்லாததால் சூர்யகுமார் யாதவ் தலைமை தாங்கி இருந்தார். தீபக் சாஹர் நன்றாக பந்துவீசினாலும், ட்ரென்ட் போல்ட்க்குப் பதிலாக கார்பின் பாஷ் சேர்க்கப்பட்டது எதிர்பார்த்த பலனைத் தரவில்லை. ஷர்துல் தாகூரின் அதிக ரன்ரேட், பும்ராவின் விக்கெட் இல்லாத பந்துவீச்சு கவலைகளை எழுப்புகின்றன.

வானிலை அறிக்கையின்படி, குவஹாத்தியில் நாள் முழுதும் மேகமூட்டத்துடனும், ஈரப்பதத்துடனும் இருக்கும். பகலில் மழை, இடியுடன் கூடிய மழைக்கு அதிக வாய்ப்புகள் உள்ள நிலையில், மாலையில் மழைப்பொழிவு 14% ஆக குறையலாம். . ஒட்டுமொத்தமாக, இது மழை குறுக்கிடக்கூடிய நாளாகவே அமையும்.

ACA பர்சபரா ஸ்டேடிய பிட்ச், ஆரம்பத்தில் வேகப்பந்து வீச்சாளர்களுக்கு உதவினாலும், பின்னர் பேட்ஸ்மேன்களுக்குச் சாதகமாக மாறி அதிக ரன்கள் குவியும். டாஸ் முடிவு பெரிதாக தாக்கத்தை ஏற்படுத்தாது. இருப்பினும், வானிலை மழையைக் கணிப்பதால், கேப்டன்கள் முதலில் பந்துவீசவே விரும்புவார்கள். இது போட்டிக்கு ஏற்படக்கூடிய இடையூறுகளுக்கு ஏற்ப வியூகங்களை அமைக்க உதவும்.

இங்கு 6 டி20 போட்டிகள் நடந்துள்ளன. முதல் இன்னிங்ஸ் சராசரி 166, இரண்டாம் இன்னிங்ஸ் 156. முதலில் பேட் செய்த அணிகள் 33%, பந்து வீசிய அணிகள் 67% வெற்றி பெற்றுள்ளன. அதிகபட்ச ஸ்கோர் 199/4 (RR vs DC); குறைந்தபட்சம் 127/10 (CSK vs RR). அதிகபட்ச சேஸிங் 153/2 (KKR vs RR); குறைந்தபட்ச பாதுகாப்பு 197/4 (PBKS vs RR).