ஹஸிக்கு கடும் போட்டி.. சிஎஸ்கே அணியிலிருந்து வெளியேற முடிவு.. 2 அணிகள் முயற்சி

மும்பை: ஆஷஸ் தொடருக்கு முன்னதாக, சிஎஸ்கே அணியின் பேட்டிங் பயிற்சியாளர் மைக்கேல் ஹசியை தங்கள் அணியின் பேட்டிங் பயிற்சியாளராக ஒப்பந்தம் செய்ய ஆஸ்திரேலியா மற்றும் இங்கிலாந்து கிரிக்கெட் வாரியங்கள் இடையே கடும் போட்டி நிலவி வருகிறது.

'மிஸ்டர் கிரிக்கெட்' என்று அழைக்கப்படும் முன்னாள் ஆஸ்திரேலிய வீரர் மைக்கேல் ஹசி, தற்போது சர்வதேச கிரிக்கெட்டில் மிகவும் விரும்பப்படும் பயிற்சியாளர்களில் ஒருவராக மாறியுள்ளார். தனது வெற்றிகரமான டெஸ்ட் கிரிக்கெட் வாழ்க்கையில் 51.5 என்ற சிறந்த ரன் சராசரியைக் கொண்டுள்ள ஹசியை, ஆஸ்திரேலியா மற்றும் இங்கிலாந்து ஆகிய இரு நாடுகளின் தேசிய அணிகளும் தங்கள் பேட்டிங் பயிற்சியாளராக்க முயற்சி செய்து வருகின்றன.

இங்கிலாந்து டெஸ்ட் அணியின் புதிய தலைமை பயிற்சியாளரான ஸ்டீபன் பிளெமிங், சிஎஸ்கே அணியில் நீண்ட நாட்களாக தன்னுடன் பணிபுரிந்த மைக்கேல் ஹசியை இங்கிலாந்து அணியுடன் இணைத்துக் கொள்ள ஆர்வமாக இருப்பதாக செய்திகள் வெளியாகின. இந்த செய்திகள் குறித்து பேசிய ஹசி, பிளெமிங் தன்னிடம் இதுகுறித்து பேசியதை ஒப்புக்கொண்டார்.

IND vs SL: சுப்மன் கில்லை பின்னுக்கு தள்ளிய ரிஷப் பண்ட்.. உலக டெஸ்ட் சாம்பியன்ஷிப்பில் சாதனை

"நாங்கள் இருவரும் மிகச் சிறந்த முறையில் இணைந்து பணியாற்றியுள்ளோம். அவர் என்னிடம் தற்செயலாகப் பேசும்போது, 'இங்கிலாந்து அணியின் பேட்டிங் பயிற்சியாளராகப் பொறுப்பேற்பது குறித்து என்ன நினைக்கிறீர்கள்?' என்று கேட்டார். கிரிக்கெட்டில் எதற்கும் நான் 'இல்லை' என்று சொல்ல மாட்டேன்" என ஹசி தெரிவித்தார்.

ஆனால், மைக்கேல் ஹசி இங்கிலாந்து அணியில் இணைவதைத் தடுக்கும் நோக்கில், ஆஸ்திரேலிய கிரிக்கெட் வாரியம் அவருக்கு அவசரமாக ஒரு வாய்ப்பை வழங்கியுள்ளதாக ஆஸ்திரேலிய ஊடகங்கள் செய்தி வெளியிட்டுள்ளன. தற்போது, ஆஸ்திரேலியா மற்றும் இங்கிலாந்து ஆகிய இரு அணிகளின் பேட்டிங் வரிசையும் சற்று தடுமாற்றத்துடனேயே காணப்படுகிறது. ஆஸ்திரேலிய அணியில் அனுபவ வீரர்கள் இருந்தாலும், வங்கதேசத்திற்கு எதிரான முதல் டெஸ்டில் அவர்களின் பேட்டிங் பலவீனம் வெளிப்பட்டது.

நடப்பு உலக டெஸ்ட் சாம்பியன்ஷிப் சுழற்சியில், இங்கிலாந்து பேட்ஸ்மேன்களின் சராசரி 31.12 ஆக உள்ள நிலையில், ஆஸ்திரேலிய பேட்ஸ்மேன்களின் சராசரி 27.84 ஆக மட்டுமே உள்ளதுஇதற்கிடையில், இந்திய அணியின் முன்னாள் கேப்டனும் முன்னாள் தேர்வுக்குழு தலைவருமான கிருஷ்ணமாச்சாரி ஸ்ரீகாந்த், ஹசிக்கு ஒரு முக்கிய அறிவுரையை வழங்கியுள்ளார். அவர் மீண்டும் பிளெமிங்குடன் இணைவது ஒரு "தவறு" என்று ஸ்ரீகாந்த் குறிப்பிட்டுள்ளார்.

Also Read

IND vs SL: துருவ் ஜூரல் கொண்டாட்டம்.. கையில் பச்சை குத்தியதன் அர்த்தம் என்ன?

"மைக்கேல் ஹசி அந்த தவறை செய்ய வேண்டாம் என்று நான் அறிவுறுத்துகிறேன். அவர் மீண்டும் ஸ்டீபன் பிளெமிங்குடன் இணைந்து பணியாற்ற வேண்டியிருக்கும். அதற்கு பதிலாக அவர் சிஎஸ்கே அணியிலேயே தொடர வேண்டும், ஏனெனில் அவர்கள் அவரை மிகச் சிறப்பாக கவனித்துக் கொள்வார்கள். பிளெமிங்கிற்கு வேறு வேலை இல்லை, அவர் பல்வேறு இடங்களுக்குச் சென்று ஹசியை மட்டுமே அழைக்கிறார்" என்று ஸ்ரீகாந்த் தனது யூடியூப் சேனலில் பேசியுள்ளார்.