NZ vs SL: நியூசிலாந்து கேப்டன் மிட்செல் சாண்ட்னர் புதிய சாதனை.. 84-6 தவித்த அணியை காப்பாற்றிய பார்ட்னர்ஷிப்

கொழும்பு: நியூசிலாந்து கிரிக்கெட் அணியின் கேப்டன் மிட்செல் சான்ட்னர், சர்வதேச டி20 கிரிக்கெட்டில் ஒரு புதிய வரலாற்றுச் சாதனையைப் படைத்துள்ளார். கொழும்பில் இலங்கைக்கு எதிராக நடைபெற்ற டி20 உலகக்கோப்பை சூப்பர் 8 சுற்றுப் போட்டியில், 1000 ரன்கள் மற்றும் 100 விக்கெட்டுகள் என இரு சாதனைகளையும் ஒரே நேரத்தில் எட்டிய முதல் நியூசிலாந்து வீரர் என்ற பெருமையைப் பெற்றார்.

டி20 சர்வதேசப் போட்டிகளில் ஏற்கனவே 136 விக்கெட்டுகளை எடுத்திருந்த சான்ட்னருக்கு, 1000 ரன்கள் இலக்கை எட்ட 26 ரன்கள் தேவைப்பட்டன. இலங்கை அணிக்கு எதிரான முக்கியப் போட்டியில், அவர் 26 பந்துகளில் அதிரடியாக 47 ரன்கள் குவித்து, இந்த இலக்கை எளிதாக அடைந்தார். நியூசிலாந்து அணியின் கேப்டனாகப் பொறுப்பேற்றுள்ள சான்ட்னர், தற்போது மொத்தமாக 1021 ரன்கள் மற்றும் 136 விக்கெட்டுகளுடன் தனது சாதனையை நிலைநிறுத்தியுள்ளார்.

சான்ட்னரின் இந்த சாதனை சர்வதேச கிரிக்கெட் கவுன்சிலின் (ஐசிசி) முழுநேர உறுப்பு நாடுகளின் வீரர்கள் மத்தியில் ஆறாவது முறையாக நடந்ததாகும். உலக அளவில் முதன்முதலில் இந்தச் சாதனையைப் படைத்தவர் வங்கதேசத்தின் முன்னாள் கேப்டனும், ஆல்ரவுண்டருமான ஷாகிப் அல் ஹசன் ஆவார். அவர் தனது டி20 சர்வதேச வாழ்க்கையில் 129 போட்டிகளில் விளையாடி 2551 ரன்கள் மற்றும் 149 விக்கெட்டுகளை வீழ்த்தி சாதனை படைத்துள்ளார்.

IND vs ZIM: இந்திய அணியின் பிளேயிங் லெவனில் 2 மாற்றம்.. முன்னாள் சிஎஸ்கே வீரர் கணிப்பு.. விவரம்

ஷாகிப் அல் ஹசனைத் தொடர்ந்து ஆப்கானிஸ்தானின் முகமது நபி, ஜிம்பாப்வேயின் சிகந்தர் ராசா, இந்தியாவின் ஹர்திக் பாண்டியா ஆகியோரும் இந்த பட்டியலில் இடம் பிடித்தனர். சான்ட்னருக்கு சற்று முன்பு, பாகிஸ்தானின் ஷதாப் கான், கடந்த செவ்வாயன்று இங்கிலாந்துக்கு எதிரான டி20 உலகக்கோப்பை சூப்பர் 8s போட்டியில் தனது இடத்தை உறுதி செய்தார். ஷதாப் கான் 123 டி20 போட்டிகளில் 1002 ரன்கள் மற்றும் 123 விக்கெட்டுகளைக் கைப்பற்றியுள்ளார்.

சான்ட்னரின் தனிப்பட்ட சாதனைகளைத் தாண்டி, இலங்கை அணிக்கு எதிரான அதே போட்டியில், கோல் மெக்கான்ச்சியுடன் ஏழாவது விக்கெட்டுக்கு 47 பந்துகளில் 84 ரன்கள் சேர்த்தார். இந்த சிறப்பான பார்ட்னர்ஷிப் மூலம் நியூசிலாந்து அணி 20 ஓவர்களில் 168/7 ரன்கள் எடுத்தது. அது மட்டுமல்லாமல், டி20 உலகக்கோப்பை வரலாற்றில் ஏழாவது விக்கெட்டுக்கான அதிக ரன்கள் சேர்த்த ஜோடி என்ற சாதனையையும் படைத்தது.

T20 WC: இந்திய அணி தோற்றது மகிழ்ச்சி தான்.. அப்போ தான் புத்தி வரும்.. ரவி சாஸ்த்ரி காட்டம்

இந்த முந்தைய சாதனை ஆஸ்திரேலியாவின் ஸ்டீவ் ஸ்மித் மற்றும் மைக்கேல் ஹஸ்ஸி ஆகியோருக்கு சொந்தமானது. அவர்கள் 2010 டி20 உலகக்கோப்பையில் வங்கதேசத்திற்கு எதிராக பிரிட்ஜ்டவுனில் நடைபெற்ற போட்டியில் ஏழாவது விக்கெட்டுக்கு 74 ரன்கள் சேர்த்திருந்தனர். சான்ட்னர் - மெக்கான்ச்சி ஜோடி, 13 ஆண்டுகள் பழமையான அந்தச் சாதனையை முறியடித்து வரலாறு படைத்தது குறிப்பிடத்தக்கது.