முடிவுக்கு வந்தது முகமது ஷமி கிரிக்கெட் வாழ்க்கை.. பிசிசிஐ தேர்வுக்குழு எடுத்த அதிரடி முடிவு

மும்பை: இலங்கை தொடருக்கான இந்திய டெஸ்ட் அணியில் முகமது ஷமி இடம் பெறாத நிலையில், அவருடைய கிரிக்கெட் வாழ்க்கை முடிவுக்கு வர உள்ளது. தேர்வுக்குழுவினர் அடுத்த கட்டத்திற்கு நகரத் தயாராகிவிட்டனர். மூத்த வேகப்பந்து வீச்சாளரான ஷமி, இந்திய அணிக்குள் மீண்டும் நுழைவதற்காகத் தன்னால் முடிந்த அனைத்தையும் செய்தார். இருப்பினும், அணி நிர்வாகம் கடந்த காலத்தை நோக்கிப் பார்ப்பதை விட, அடுத்த தலைமுறை வேகப்பந்து வீச்சாளர்கள் மீது முதலீடு செய்வதில் தற்போது கவனம் செலுத்துவதாகத் தெரிகிறது.

அணியில் இருந்து நீக்கப்பட்ட பிறகு, உள்நாட்டு கிரிக்கெட்டிற்குத் திரும்பிய ஷமி தனது சிறப்பான ஆட்டத்தின் மூலம் பதிலடி கொடுத்தார். ரஞ்சி கோப்பையில் நீண்ட ஓவர்களை வீசி, 37 விக்கெட்டுகளைக் கைப்பற்றியதோடு, தான் முழு உடற்தகுதியுடன் இருப்பதாகவும் தொடர்ந்து வலியுறுத்தினார். அனைத்து தகுதிகளையும் அவர் நிரூபித்த போதிலும், தேர்வுக்குழுவினர் வேகப்பந்து வீச்சாளரை ஷமி மீண்டும் ஒருமுறை புறக்கணித்துள்ளனர்.

இந்திய தேர்வுக்குழுவினர் அனைத்து வகை கிரிக்கெட்டிற்குமாக 15 இளம் வேகப்பந்து வீச்சாளர்கள் கொண்ட ஒரு குழுவை ஏற்கனவே அடையாளம் கண்டுள்ளனர். இவர்களே அடுத்த சில ஆண்டுகளுக்கு இந்தியாவின் வேகப்பந்து வீச்சு கூட்டணியின் தூண்களாக இருப்பார்கள். இந்த நீண்ட கால திட்டங்களில் ஷமி இடம்பெறவில்லை என்று கூறப்படுகிறது.

WTC 2025-27: உலக டெஸ்ட் சாம்பியன்ஷிப் பட்டியலில் பாகிஸ்தான் கடைசி இடம்.. இந்தியாவுக்கு எந்த இடம்

அடுத்த உலக டெஸ்ட் சாம்பியன்ஷிப் சைக்கிள் மற்றும் 2027 ஆம் ஆண்டு நடைபெறவுள்ள ஒருநாள் உலகக் கோப்பை ஆகியவற்றை மனதில் வைத்தே தேர்வுக்குழுவினர் ஏற்கனவே திட்டமிட்டு வருவதாக அந்த செய்திகள் வெளியாகியுள்ளது. மூத்த வேகப்பந்து வீச்சாளர்களின் வாழ்க்கைக் காலத்தை நீட்டிப்பதை விட, இளம் வீரர்களுக்கு தற்போதே போதுமான சர்வதேச அனுபவத்தை வழங்குவதே அவர்களின் நோக்கமாக உள்ளது.

இதன் மூலம் இந்தியா அடுத்த முக்கிய தொடர்களுக்குள் நுழையும் போது அவர்கள் தயாராக இருப்பார்கள். இந்திய அணியில் இந்த மாற்றத்திற்கான செயல்முறை ஏற்கனவே தொடங்கிவிட்டது. ஜஸ்பிரித் பும்ரா இந்தியாவின் வேகப்பந்து வீச்சு கூட்டணியின் அசைக்க முடியாத வீரராக தொடர்கிறார். இருப்பினும், அவரது பணிச்சுமை கவனமாக நிர்வகிக்கப்பட்டு வருவதால், ஒவ்வொரு டெஸ்ட் அல்லது ஒவ்வொரு தொடருக்கும் அவரை மட்டுமே நம்பியிருக்க முடியாது. இதனால், பும்ராவைச் சுற்றி நம்பகமான ஒரு வேகப்பந்து வீச்சாளர்களின் கட்டமைப்பை உருவாக்குவது தற்போதைய முன்னுரிமையாக மாறியுள்ளது.

IND vs SL: முதல் டெஸ்ட் இந்திய அணியின் பிளேயிங் லெவன் என்ன? அஸ்வின் கணிப்பு

ஷமியின் அனுபவம் இந்தியாவின் இந்த மாற்றக் காலத்தை எளிதாக்க உதவியிருக்கலாம். பும்ரா இல்லாத நேரங்களில் அணியின் வேகப்பந்து வீச்சை வலுப்படுத்துவதுடன், வளர்ந்து வரும் இளம் வேகப்பந்து வீச்சாளர்களுக்கு ஒரு வழிகாட்டியாகவும் ஷமி செயல்பட்டிருக்கலாம். ஷமியின் வாய்ப்புகள் குறைந்து வருவதாலும், நீண்ட தொடர்களில் பும்ரா அனைத்து டெஸ்ட் போட்டிகளிலும் விளையாட வாய்ப்பில்லாததாலும், முகமது சிராஜ் மீது கூடுதல் பொறுப்பு விழும் என்று எதிர்பார்க்கப்படுகிறது.