தோனி மாஸ்! அரிய வகை சொகுசு காரில் ராஞ்சியில் வலம் வந்த தல,, என்ன மாடல்?

ராஞ்சி: இந்திய அணியின் முன்னாள் கேப்டன் தோனி, மீண்டும் ஒருமுறை தனது விண்டேஜ் காரில் உலா வரும் வீடியோ சமூக வலைத்தளத்தில் வலம் வருகிறது. புகழ்பெற்ற விக்கெட் கீப்பர் பேட்டரான தோனி, சமீபத்தில் ராஞ்சியின் வீதிகளில் அரிய வகை மெர்சிடிஸ் பென்ஸ் 450எஸ்எல் காரை ஓட்டிச் சென்றார்.

இந்த மெர்சிடிஸ் பென்ஸ் 450எஸ்எல் கார் நீக்கக்கூடிய ஹார்ட் டாப் கொண்ட இரண்டு கதவுகள் உடைய ரோட்ஸ்டர் ரக காராகும். இது 1973 முதல் 1980 வரை தயாரிக்கப்பட்டது. மேலும் இந்த கார் இந்திய சந்தையில் அதிகாரப்பூர்வமாக விற்பனை செய்யப்படாததால், இந்தியாவில் மிகவும் அரிய ஒரு சேகரிப்பாகக் கருதப்படுகிறது.

தோனி தனது சொந்த ஊரில் இந்த சிவப்பு நிற விண்டேஜ் காரை ஓட்டிச் செல்லும் வீடியோ ஒன்று சமூக ஊடகங்களில் வெளியாகி வைரலாகி வருகிறது. சமீபத்தில் முடிவடைந்த இந்தியாவின் இங்கிலாந்துக்கு எதிரான வெள்ளை பந்து தொடருக்குப் பிறகு தோனி இந்தியா திரும்பினார் என்பது குறிப்பிடத்தக்கது. இந்த டி20 மற்றும் ஒருநாள் தொடரின் பல போட்டிகளின் போது அவர் மைதானங்களில் காணப்பட்டார். இந்தியா திரும்பிய பிறகு, தோனி ராஞ்சியில் 1970 மாடல் ஃபோர்டு மஸ்டாங் (Ford Mustang) காரை ஓட்டிச் சென்றதும் காணப்பட்டது.

IND vs SL டெஸ்ட் தொடர்: 3 வீரர்கள் சிறப்பாக செயல்பட்டும் வாய்ப்பு தராத தேர்வுக்குழு

கிரிக்கெட் களத்தைப் பொறுத்தவரை, தோனி 2026 ஐபிஎல் தொடருக்கான சென்னை சூப்பர் கிங்ஸ் அணியில் இடம் பெற்றிருந்தார். இருப்பினும், தசைப்பிடிப்பு காரணமாக அவர் ஒரு போட்டியில் கூட விளையாடவில்லை. வாகனங்கள் மீது மிகுந்த ஆர்வம் கொண்ட தோனி, தனது கேரேஜில் ஏராளமான விண்டேஜ் கார்கள் மற்றும் பைக்குகளை வைத்துள்ளார். இவரது கார் சேகரிப்பில் ஹம்மர் எச்2 மற்றும் நிசான் ஜாங்கா போன்ற பல அரிய ரக வாகனங்கள் அடங்கும்.

ஐபிஎல் 2026 போட்டிகளில் பெரும்பாலானவற்றில் தோனி கலந்து கொள்ளவில்லை. சென்னை அணியின் கடைசி லீக் போட்டிக்காக மட்டுமே அவர் மைதானத்திற்கு வந்திருந்தார். மே 18 அன்று சென்னை எம்.ஏ. சிதம்பரம் மைதானத்தில் சன்ரைசர்ஸ் ஹைதராபாத் அணிக்கு எதிரான போட்டியில் சிஎஸ்கே 5 விக்கெட் வித்தியாசத்தில் தோல்வியடைந்தது. போட்டிக்கு பிறகு, தோனி சென்னை அணியினருடன் மைதானத்தை சுற்றி வந்து மைதானத்திற்கு வந்திருந்த ரசிகர்களுக்கு தங்களது ஆதரவிற்காக நன்றி தெரிவித்தார்.

Also Read

வைபவ் சூர்யவன்ஷி டான் பிராட்மேன் போல் வருவார்.. ராபின் உத்தப்பா கருத்து

ருதுராஜ் கெய்க்வாட் தலைமையிலான சென்னை அணிக்கு இந்த சீசன் ஏமாற்றமாகவே அமைந்தது. அவர்கள் 6 வெற்றிகள் மற்றும் 8 தோல்விகளுடன் புள்ளிப் பட்டியலில் எட்டாவது இடத்தைப் பிடித்து, பிளே ஆஃப் சுற்றுக்குத் தகுதி பெறும் வாய்ப்பை இழந்தனர்.