MS Dhoni: கடைசி போட்டியிலாவது விளையாடுங்கள் தோனி.. பத்ரிநாத் உருக்கம்.. சிஎஸ்கே அணிக்கு வார்னிங்

சென்னை: ஐபிஎல் 2026 சீசனில், சன்ரைசர்ஸ் ஹைதராபாத் அணிக்கு எதிரான சிஎஸ்கே அணியின் கடைசி உள்ளூர் ஆட்டத்தில் தோனி பங்கேற்க வேண்டும் என முன்னாள் இந்திய பேட்ஸ்மேன் சுப்ரமணியம் பத்ரிநாத் வலியுறுத்தியுள்ளார். 44 வயதான தோனி, காயம் காரணமாக இந்த சீசனில் இதுவரை களமிறங்கவில்லை.

தோனியின் ஐபிஎல் எதிர்காலம் மற்றும் ஓய்வு குறித்த ஊகங்களால் ரசிகர்களின் ஆர்வம் உச்சம் பெற்றுள்ளது. சீசன் முடிவடையும் நிலையில், பிளேஆஃப் ரேஸில் சிஎஸ்கே இக்கட்டான நிலையில் உள்ளது. 12 போட்டிகளில் 6 வெற்றிகளுடன், அணி தற்போது புள்ளிப்பட்டியலில் ஆறாவது இடத்தைப் பிடித்துள்ளது.

தோனி விளையாடுவது குறித்து தனது யூடியூப் சேனலில் பேசிய பத்ரிநாத், "சேப்பாக்கத்தில் தோனி ஒருமுறை விளையாடுவாரா என்ற கேள்வி எழுகிறது. இது அவரது தனிப்பட்ட முடிவு. ஆனால், ரசிகர்களின் நலன் கருதி, அவர் சில ஓவர்கள் விக்கெட் கீப்பராகவும், இம்பாக்ட் சப் ஆக பேட்டிங் செய்தால் பெரும் மகிழ்ச்சி" என்றார்.

IPL 2026: பிளே ஆப் சுற்றுக்கு 8 அணிகளும் தகுதி பெறலாம்.. எப்படி தெரியுமா? திக்..திக்.. 11 போட்டி

தோனியைத் தவிர, எஸ்ஆர்ஹெச்-க்கு எதிரான ஆடும் லெவனில் இடது கை சுழற்பந்து வீச்சாளர் அகீல் ஹொசைனைச் சேர்க்கவும் பத்ரிநாத் சிஎஸ்கேவை வலியுறுத்தினார். "எஸ்ஆர்ஹெச் அணியின் முதல் மூன்று பேட்ஸ்மேன்கள் இடது கை வீரர்கள் என்பதால் அகீலைச் சேர்ப்பது சந்தேகம்தான். ஆனால், நான் ருதுராஜ் மற்றும் பிளெமிங்கிடம் அவரை அணிக்குள் கொண்டுவரக் கேட்டுக்கொள்வேன்" என்று அவர் தெரிவித்தார்.

சிறப்பான பார்மில் இருந்தும் அகீல், லக்னோ சூப்பர் ஜெயண்ட்ஸ் அணிக்கு எதிரான கடைசி ஆட்டத்தில் இடம்பெறவில்லை. இதன் விளைவாக, ஐந்து முறை சாம்பியன் சிஎஸ்கே லக்னோவில் ஏழு விக்கெட் வித்தியாசத்தில் படுதோல்வி கண்டது. இந்த எல்எஸ்ஜி தோல்வி, சிஎஸ்கே-வின் ஐபிஎல் 2026 பிளேஆஃப் வாய்ப்புகளைக் கடுமையாகப் பாதித்துள்ளது.

பிளேஆஃப் இடத்தை உறுதி செய்ய ருதுராஜ் கெய்க்வாட் தலைமையிலான சிஎஸ்கே, எஞ்சிய இரு போட்டிகளிலும் வென்று, மற்ற முடிவுகளையும் நம்பியுள்ளது. சிஎஸ்கேவுக்கு சவாலாக, 12 ஆட்டங்களில் 7 வெற்றிகளுடன் மூன்றாவது இடத்தில் உள்ள எஸ்ஆர்ஹெச், முதல் சந்திப்பில் சிஎஸ்கேவை 10 ரன்கள் வித்தியாசத்தில் தோற்கடித்திருந்தது.

CSK: இனி ஒவ்வொரு போட்டியும் எங்களுக்கு ஃபைனல் மாதிரி.. பிளே ஆப் குறித்து பயிற்சியாளர் ஹஸி கருத்து

"இரண்டு போட்டிகளிலும் வென்றாலும் 16 புள்ளிகளுடன் தகுதி பெறுவது கடினம், நிகர ரன் ரேட் பாதிக்கப்பட்டுள்ளது. இந்த மாதிரியான வீரர் தேர்வு மற்றும் மோசமான ஆட்டத்தால் எஸ்ஆர்ஹெச்-ஐ வெல்ல முடியாது. எஸ்ஆர்ஹெச்-ஐ வீழ்த்த சிஎஸ்கே தனது முழு திறமையையும் வெளிப்படுத்த வேண்டும்" என்று பத்ரிநாத் எச்சரித்தார்.