“சாரே.. கொல மாஸ்”.. டென்னிஸ் தொடரில் களமிறங்கிய எம்.எஸ்.தோனி.. இனி ரூட்டே வேற.. எங்கு? எப்போது?

தோனி செயல்பாடுகள்

இதற்கேற்றார் போலவே தோனியும் அவ்வப்போது, பொது நிகழ்ச்சிகளுக்கு செல்கையில் இந்திய அணி குறித்து பேசுவது, சிஎஸ்கே தொடர்பான அப்டேட்களை கொடுப்பது போன்றவைகளை செய்து இன்னும் அதே ஃபார்மில் இருக்கிறார். சமீபத்தில் கூட புதிதாக வந்துள்ள கியா மின்சார காரை வாங்கி ரஞ்சியில் வலம் வந்த வீடியோக்கள் இணையத்தை கலக்கியது.

டென்னிஸ் போட்டி

இந்நிலையில் டென்னிஸ் தொடரில் தடம் பதித்துள்ளார். ஜார்காண்ட் மாநிலத்தின் கிரிக்கெட் வாரியம் சார்பில் ஆடவர் டென்னிஸ் தொடர் நடத்தப்பட்டு வருகிறது. இதில் எம்.எஸ்.தோனி, உள்ளூர் டென்னிஸ் வீரர் சுமீத் என்பவருடன் ஜோடி சேர்ந்து இரட்டையர் பிரிவில் கலந்துக்கொண்டு கலக்கியுள்ளார்.

ஃபிட்னஸ்

Tank - டி சர்ட்டை அணிந்துக்கொண்டு எம்.எஸ்.தோனி அங்கும் இங்கும் துள்ளி குதித்துக்கொண்டு டென்னிஸ் ஆடிய புகைப்படங்கள் இணையத்தை அதிரவைத்துள்ளது. இதுமட்டுமல்லாமல், 41 வயதிலும் ஃபிட்னஸில் குறையே வைக்காத தோனியின் பைசஃப்ஸ், உடற்கட்டுகளை பார்த்து ரசிகர்கள் ஆச்சரியத்தில் ஆழ்ந்துள்ளனர்.

ஓய்வு அறிவிப்பு

அடுத்தாண்டு ஐபிஎல் தொடருடன் தோனி அனைத்து வடிவ கிரிக்கெட்டில் இருந்து ஓய்வு பெறுவார் என தெரிகிறது. இம்முறை ஹோம் மைதானத்திலும் போட்டிகள் நடைபெறும் என அறிவிக்கப்பட்டுள்ளதால் சென்னையிலேயே ஓய்வு பெறலாம். இதன்பின்னர் இந்திய டி20 அணியின் இயக்குநராக பதவியேற்கவுள்ளார் என தகவல் வெளியானது குறிப்பிடத்தக்கது.