என்னை மாதிரியல்ல.. டிவில்லியர்ஸ் மாதிரி பேட்டிங் செய்யவே எனது மகன்கள் விருப்பம்: டிராவிட்

அதிரடி பசங்க

இதை ராகுல் டிராவிட் கூறியுள்ளார். அவர் கூறுகையில், "எனது மகன்கள் இருவருக்குமே அதிரடியாக ஆடுவதுதான் பிடித்துள்ளது. அப்படி ஆடினால்தான் எளிதில் பிரபலமாக முடியும் என்று நம்புகிறார்கள்.

கஷ்டம்தான்

டிவில்லியர்சை போன்றே பேட்டிங் செய்ய வேண்டும் என்று எனது மகன்கள் முயலுகிறார்கள். ஆனால், சீக்கிரத்திலேயே, அதுபோன்ற பேட்டிங் கஷ்டம் என்பதை உணர்ந்துவிட்டனர்" இவ்வாறு டிராவிட் தெரிவித்துள்ளார்.

இந்திய ரசிகர்கள்

டிவில்லியர்சுக்கு இந்தியாவில் அதிக ரசிகர்கள் உள்ளனர். பெங்களூரில் நடந்த இந்தியாவுக்கு எதிரான டெஸ்ட் போட்டியில் டிவில்லியர்ஸ் தனது 100வது டெஸ்ட் ஆட்டத்தை ஆடினார். அப்போது அரங்கத்திலுள்ள ரசிகர்கள் அனைவருமே, ஏபிடி.. ஏபிடி.. என உற்சாக குரல் கொடுத்து அவரை மைதானத்திற்குள் வரவேற்றனர்.

டிராவிட் மகன் அசத்தல்

25ம் தேதி நாக்பூரில் தொடங்கும் 3வது டெஸ்ட் போட்டியிலும் அந்த உற்சாக குரல்களுக்கு பஞ்சமிருக்காது என நம்பலாம். பெங்களூர் அளவிலான பள்ளிகள் நடுவேயான கிரிக்கெட் போட்டியில் சமித் அசத்தலாக ஆடி, நகரின் சிறந்த இளம் கிரிக்கெட் வீரர் என்ற விருதை கைவசம் வைத்துள்ளார் என்பது குறிப்பிடத்தக்கது.