உறுதியானது.. உமேஷ் யாதவிற்கு மாற்றாக உள்ளே வரும் நடராஜன்.. பிசிசிஐ அதிரடி.. ஆனால் சின்ன சிக்கல்!

நீக்கம்

ஆனால் உமேஷ் யாதவின் காயம் குணமாகாத நிலையில் தற்போது மொத்தமாக ஆஸ்திரேலிய தொடரில் இருந்து நீக்கப்பட்டுள்ளார். இவரின் காயம் குணமாக இன்னும் சில நாட்கள் ஆகும் என்பதால் மொத்தமாக இவர் தொடரில் இருந்து நீக்கப்பட்டுள்ளார். அதோடு இன்று உமேஷ் யாதவிற்கு குழந்தை பிறந்ததால், அவர் இந்தியா திரும்புகிறார்.

மாற்று

இந்த நிலையில் ஆஸ்திரேலியாவிற்கு எதிரான டெஸ்ட் தொடரில் உமேஷ் யாதவிற்கு மாற்று வீரராக நடராஜன் களமிறக்கப்பட்டுள்ளார். ஆஸ்திரேலிய டெஸ்ட் தொடரில் வலைபயிற்சியில் நெட் பவுலராக நடராஜன் உள்ளார். இவர் இந்திய அணியில் இணைக்கப்பட்டதை பிசிசிஐ உறுதி செய்துள்ளது.

யார்

அதேபோல் இந்திய அணியில் முகமது ஷமிக்கு மாற்று வீரராக ஷரத்துல் தாகூர் சேர்க்கப்பட்டுள்ளார். முகமது ஷமி காயம் காரணமாக வெளியேறிய நிலையில் ஷரத்துல் தாகூர் அவருக்கு மாற்றாக வருகிறார். இதனால் நடராஜனுக்கு பிளேயிங் லெவனில் வாய்ப்பு கிடைக்காது என்கிறார்கள்.

வாய்ப்பு இல்லை

ஆம் இந்திய அணியில் பும்ரா, சிராஜ் ஆகியோர் களமிறங்க உள்ளனர். இன்னொரு பவுலர் யார் என்று பலரும் கேள்வி எழுப்பி வந்தனர். அதன்படி பெரும்பாலும் ஷரத்துல் தாகூர் அணியில் இறங்குவார் என்று கூறுகிறார்கள். முதல் தர போட்டிகளில் பெரிய அளவில் நடராஜன் ஆடியது இல்லை என்பதால் ஷரத்துல் தாகூர் வாய்ப்பு பெறுவார் என்கிறார்கள்.