ஒண்ணுக்கே வழியில்ல.. 4 பேரா.. என்ன நடக்குமோ? இந்திய அணியின் சரிவை தொடங்கி வைக்கும் அவர்..?

பயிற்சியாளர்கள் நியமனம்

தற்போது அணியில் அனைத்து துறைகளுக்கும் பயிற்சியாளர்களை வேறு நியமித்து இருக்கிறது. வழக்கம்போல ரவி சாஸ்திரி தலைமை பயிற்சியாளர். மற்ற பயிற்சியாளர்களும் அப்படியே. தோனி பேட்டிங் வரிசையில் ரகசியம் சொன்ன சஞ்சய் பங்கர் மட்டும் இல்லை.

4ம் நம்பர் பிரச்னை

அவருக்கு பதிலாக புதிய பேட்டிங் பயிற்சியாளராக விக்ரம் ரதோர் செய்யப்பட்டார். தென் ஆப்ரிக்க தொடர் விரைவில் ஆரம்பிக்க இருக்கிறது. அந்த நிலையில், தமது பேட்டிங் பயிற்சியை 4ம் நம்பர் வீரர் என்ற பிரச்சனையில் இருந்து ஆரம்பித்து வைத்திருக்கிறார் அவர்.

உண்மைதான்

ஸ்ரேயாஸ் அய்யர், மணீஷ் பாண்டே 4ம் இடத்துக்கு சரியாக இருப்பார்கள் என்று அவர் கூறியிருக்கிறார். விக்ரம் ரதோர் கூறியிருப்பதாவது: இந்திய அணியின் மிடில் ஆர்டர், சரியான நிலையில் இல்லை என்பது உண்மையே. அதை சரிசெய்து விட முடியும்.

நன்றாக ஆடுகின்றனர்

ஸ்ரேயாஸ் அய்யர் கடந்த சில போட்டிகளில் நன்றாக விளையாடினார். மணீஷ் பாண்டேவும் உள்ளார். இந்திய ஏ அணிக்காக உள்ளூர் போட்டிகளில் அவர்கள் நன்றாக ஆடியுள்ளனர்.

தயார்படுத்த வேண்டும்

நான்காவது வரிசைக்கு அவர்கள் தான் பொருத்தமானவர்களாக இருப்பார்கள். அதில் சந்தேகம் இல்லை. அவர்களிடம் போதிய திறமை இருக்கிறது. அவர்களை சரியாகத் தயார்படுத்த வேண்டும் என்றார்.

சதம் அடித்தார்

சமீபத்தில் வெஸ்ட் இண்டீசில் நடந்த ஒரு நாள் தொடரில் சிறப்பான ஆட்டத்தை வெளிப்படுத்தினார் ஸ்ரேயாஸ் அய்யர். மணீஷ் பாண்டே, வெஸ்ட் இண்டீஸ் ஏ அணிக்கு எதிரான போட்டியில் சதம் அடித்திருந்தார் என்பது குறிப்பிடத்தக்கது.