ஐபிஎல்லில் தோனி ஸ்டம்பிங் சாதனை... பெரிய விசில் போடுங்க!

Recommended Video

புனே: ஐபிஎல் போட்டிகளில் அதிக ஸ்டம்பிங் செய்த சாதனையை சென்னை சூப்பர் கிங்ஸ் கேப்டன் மகேந்திர சிங் தோனி சமன் செய்தார். அவர் 32 பேரை ஸ்டம்பிங் மூலம் அவுட் செய்துள்ளார்.

ஐபிஎல் டி-20 கிரிக்கெட் போட்டித் தொடரின் 11வது சீசன் நடந்து வருகிறது. இதில் ராயல் சேலஞ்சர்ஸ் பெங்களூர் மற்றும் சென்னை சூப்பர் கிங்ஸ் அணிகள் இன்று மோதுகின்றன.

இந்த ஆட்டத்தில் முருகன் அஸ்வினை ஸ்டம்பிங் செய்து அவுட்டாக்கினார் சிஎஸ்கேவின் தோனி. இதன் மூலம் ஐபிஎல்லில் அதிக ஸ்டம்பிங் செய்த கொல்கத்தாவின் உத்தப்பாவின் சாதனையை சமன் செய்தார். இருவரும் இதுவரை 32 முறை ஸ்டம்பிங் செய்துள்ளனர்.

கொல்கத்தாவின் கேப்டன் தினேஷ் கார்த்திக் 28 முறையும், ஹைதராபாத்தின் சாஹா 18, கில்கிறிஸ்ட், 16 பெங்களூருவின் பார்த்திவ் படேல் 14 முறை ஸ்டம்பிங் செய்துள்ளனர்.