172 ரன்களுக்கு ஆல் அவுட்
41.1 ஓவர்களில் ஆப்கானிஸ்தான் அணி அனைத்து விக்கெட்டுகளையும் இழந்து 172 ரன்கள் சேர்த்தது. அதிகபட்சமாக சத்ரான் 59 ரன்கள் குவித்திருந்தார். நியூசி. சார்பில் ஜேம்ஸ் நீஷம் 5 விக்கெட்டும், பெர்குசன் 3 விக்கெட்டும் கைப்பற்றினர்.
குப்தில் அவுட்
இதையடுத்து 173 ரன் எடுத்தால் வெற்றி என்ற இலக்குடன் நியூசிலாந்து அணி களம் இறங்கியது. தொடக்க ஆட்டக்காரர்களாக குப்தில், முன்ரோ வந்தனர். முதல் ஓவர் முதல் பந்தில் குப்தில் அவுட்டாகி அதிர்ச்சி அளித்தார். அடுத்து வந்த கேப்டன் கேன் வில்லியம்சன் பொறுப்புடன் ஆடினார்.
ரன் குவித்த டெய்லர்
ஆட்டத்தின் 7.5 வது ஓவரில் காலின் முன்ரோ அவுட்டானார். 3வது விக்கெட்டுக்கு ஜோடி சேர்ந்த வில்லியம்சன் மற்றும் ராஸ் டெய்லர் இருவரும் ரன் குவிக்க தொடங்கினர். 25.4 வது ஓவரில் 48 ரன்கள் எடுத்திருந்த ராஸ் டெய்லர், வெளியேறினார்.
நியூசி. வெற்றி
இறுதியில் ஆட்டத்தின் 32.1 ஓவரில் 173 ரன்கள் எடுத்த நியூசிலாந்து, 7 விக்கெட் வித்தியாத்தில் ஆப்கானிஸ்தானை வீழ்த்தியது. நியூசி. கேப்டன் கடைசி வரை ஆட்டமிழக்காமல் பொறுப்புடன் விளையாடி 79 ரன்கள் எடுத்தார். இந்த வெற்றியின் மூலம் இது வரை தாம் விளையாடிய 3 ஆட்டங்களில் வென்று புள்ளி பட்டியலில் முதலிடத்தை பிடித்திருக்கிறது நியூசிலாந்து.