நியூசிலாந்து அணி “தூண்” ராஸ் டெய்லர் ஓய்வு.. அசைக்க முடியாத சாதனைகளும்.. சரித்திரங்களும் என்னென்ன?

அறிமுகம்

37 வயதாகும் ராஸ் டெய்லர், கடந்த 2006ம் ஆண்டு மேற்கிந்திய தீவுகளுக்கு எதிரான ஒருநாள் போட்டியின் மூலம் சர்வதேச அரங்கில் அறிமுகமானார். இதுவரை 110 டெஸ்ட் போட்டிகள், 233 ஒருநாள் போட்டிகள், 102 டி20 போட்டிகள் என நியூசிலாந்தின் அனைத்து கடினமான சூழல்களிலும் உடனிருந்துள்ளார். சர்வதேச டெஸ்ட் மற்றும் ஒருநாள் போட்டிகளில் நியூசிலாந்தின் அதிக ரன் எடுத்த வீரர் ராஸ் டெய்லர்தான். இதே போல சர்வதேச அளவில் 3 வடிவ கிரிக்கெட்டிலும் தலா 100 போட்டிகளில் களம் கண்ட முதல் வீரர் இவர் தான்.

ஆதங்கத்தில் ரசிகர்கள்

இந்தாண்டு நடைபெற்ற டெஸ்ட் சாம்பியன்ஷிப் இறுதிப்போட்டியின் போது வில்லியம்சனுடன் கூட்டணி அமைத்து இந்தியாவுக்கு தலைவலி கொடுத்ததும் டெய்லர் தான். இப்படிபட்ட வீரர் இன்னும் 2 முதல் 3 ஆண்டுகள் விளையாடி இருக்கலாம் என ரசிகர்கள் ஆதங்கம் தெரிவித்து வருகின்றனர்.

டெய்லரின் விளக்கம்

இதுகுறித்து பேசியுள்ள ராஸ் டெய்லர், நியூசிலாந்து அணியுடனான பயணம் மிகச்சிறப்பாக இருந்தது. இத்தனை நாட்கள் தேசத்திற்காக விளையாடியதை நினைத்து பெருமைக் கொள்கிறேன். ஆனால் ஒவ்வொரு நல்ல விஷயங்களுக்கும் ஒரு முடிவு உண்டு. அந்தவகையில் எனது கிரிக்கெட்டிற்கும் முடிவு வந்துவிட்டதாக கருதுகிறேன். எனக்கு உறுதுணையாக இருந்த அனைவருக்கும் நன்றி எனக்கூறியுள்ளார்.

ஃபேரவெல் போட்டிகள்

ஃபேரவெல் போட்டிகள் கிடையாதா என்று கேட்கும் ரசிகர்களுக்கும் அவர் நற்செய்தி வைத்துள்ளார். நியூசிலாந்து அணி அடுத்ததாக வங்கதேச அணியுடன் 2 போட்டிகள் டெஸ்ட் தொடரில் விளையாடவுள்ளது. இந்த போட்டிகளுடன் ராஸ் டெய்லர் டெஸ்ட் கிரிக்கெட்டில் இருந்து விடைபெறுகிறார். இதே போல ஆஸ்திரேலியா மற்றும் நெதர்லாந்து அணிகளுடன் இருக்கும் 6 ஒருநாள் போட்டிகளை முடித்தவுடன் ஒட்டுமொத்த கிரிக்கெட்டில் இருந்து விடை பெறவுள்ளார்.

Recommended Video

Stranger Things of ICC Rankings that makes you surprise | OneIndia Tamil

ரெக்கார்ட்

ராஸ் டெய்லர் டெஸ்ட் போட்டிகளில் 7584 ரன்களையும் சர்வதேச ஒருநாள் போட்டிகளில் 8,581 ரன்களையும் எடுத்துள்ள ராஸ் டெய்லர், சர்வதேச டி20 போட்டிகளில் 1909 ரன்களை எடுத்துள்ளார். இதில் மொத்தம் 40 சதங்களும் அடங்கும்.