மிரட்டல் சதமடித்த குர்பாஸ்: நிதிஷ் குமாரின் அந்த ஒரு 'மேஜிக்' பந்து ஸ்டம்புகளை சிதறடித்தது இப்படித்தான்!

தர்மசாலா: ஆப்கானிஸ்தானுக்கு எதிரான முதல் ஒருநாள் போட்டியில், இந்திய அணியின் ஆல்-ரவுண்டர் நிதிஷ் குமார் ரெட்டி வீசிய அட்டகாசமான யார்க்கர் பந்தில் ஆப்கானிஸ்தான் தொடக்க ஆட்டக்காரர் ரஹ்மானுல்லா குர்பாஸ் ஆட்டமிழந்தார். ஆப்கானிஸ்தான் இன்னிங்ஸின் 16-வது ஓவரின் மூன்றாவது பந்தில் இந்த விக்கெட் வீழ்ந்தது.

நிதிஷ் வீசிய இன்ஸ்விங்கிங் யார்க்கர் பந்தை குர்பாஸ் மிட்-ஆன் திசையில் அடிக்க முயன்றார். ஆனால், பந்து அவரது பேட்டின் கீழே நழுவிச் சென்று ஸ்டம்புகளைத் தகர்த்தது. இது இப்போட்டியில் நிதிஷ் வீழ்த்திய முதல் விக்கெட்டாகும்.

இந்தப் போட்டியில் அதிரடியாக விளையாடிய குர்பாஸ், 51 பந்துகளில் 8 பவுண்டரிகள் மற்றும் 8 சிக்ஸர்களுடன் 102 ரன்கள் குவித்து, தனது 9-வது ஒருநாள் சதத்தைப் பதிவு செய்தார். அவர் ஆட்டமிழந்தபோது ஆப்கானிஸ்தான் அணி 15.3 ஓவர்களில் 4 விக்கெட் இழப்பிற்கு 142 ரன்கள் எடுத்திருந்தது.

விராட் கோலியின் சாதனையை முறியடித்த கில்! ஒருநாள் கிரிக்கெட்டில் புதிய மகுடம் சூடிய இந்திய இளம் புயல்

மழையின் காரணமாக 25 ஓவர்களாகக் குறைக்கப்பட்ட இப்போட்டியில், முதலில் பேட்டிங் செய்யப் பணிக்கப்பட்ட ஆப்கானிஸ்தான் அணியின் தொடக்க வீரர் இப்ராகிம் சத்ரான் (1) இரண்டாவது ஓவரிலேயே இந்திய அறிமுக வீரர் குர்னூர் பிரார் பந்துவீச்சில் ஆட்டமிழந்தார். தொடர்ந்து வந்த செடிகுல்லா அடல் (0) மற்றும் ரஹ்மத் ஷா (3) ஆகியோரை அர்ஷ்தீப் சிங் அடுத்தடுத்து வீழ்த்தினார். இதனால் ஆப்கானிஸ்தான் அணி 5 ஓவர்களுக்குள் 26 ரன்களுக்கு 3 விக்கெட்டுகளை இழந்து ஆரம்பத்திலேயே தடுமாறியது.

இதன்பின்னர், ரஹ்மானுல்லா குர்பாஸ் மற்றும் கேப்டன் ஹஷ்மத்துல்லா ஷாஹிதி ஜோடி அணியை மீட்டெடுத்தது. இதில் அதிரடி காட்டிய குர்பாஸ், வெறும் 48 பந்துகளில் தனது 9-வது சதத்தை நிறைவு செய்தார். இது ஒருநாள் போட்டிகளில் ஆப்கானிஸ்தான் வீரர் ஒருவரால் அடிக்கப்பட்ட அதிவேக சதமாகும்.

IND vs AFG: 14 ரன்களில் அவுட்டான குர்பாஸ்.. ஆனால் இந்தியா செய்த மெகா தவறு..48 பந்துகளில் சதம்!விவரம்

இந்த ஜோடி 4-வது விக்கெட்டுக்கு 66 பந்துகளில் 116 ரன்கள் சேர்த்தது. இறுதியாக குர்பாஸ் 102 ரன்களுக்கு நிதிஷ் குமார் ரெட்டி பந்துவீச்சில் ஆட்டமிழந்தார். ஹர்திக் பாண்டியா காயம் காரணமாக இல்லாத நிலையில், அவரது இடத்தில் பந்துவீசிய நிதிஷ் இன்றைய ஆட்டத்தில் 4 ஓவரில் 31 ரன்கள் விட்டு கொடுத்து 2 விக்கெட் வீழ்த்தினார்.