கோலியின் வாழ்க்கையில் மிக மோசமான காலக்கட்டம்.. ஏன்?

கோலி இறங்குமுகம்

கடந்த 2020 முதல் மூன்று வடிவ கிரிக்கெட்டிலும் சேர்த்து மொத்தம் 23 போட்டிகளில் விளையாடியுள்ளார் கோலி. இதில், அவர் அடித்த ரன்கள் 853 மட்டுமே. ஆவரேஜ் 35.54. இதில் 7 அரைசதங்கள் அடங்கும். ஆனால், ஒரு சதம் கூட அவர் அடிக்கவில்லை.

14 முறை அவுட்

இந்த காலக்கட்டத்தில் 14 முறை 30 ரன்களுக்கும் குறைவாக அவுட்டாகியுள்ளார். இது கோலி போன்ற ஒரு டாப் ஆர்டர் பேட்ஸ்மேனின் மிக மோசமான சாதனையாகும். 2020 முதல் இதுபோன்று மோசமான ஃபார்மில் குறைந்தபட்சம் 500 ரன்கள் அடித்த 34 பேட்ஸ்மேன்களில், கோலி 30வது இடத்தில் உள்ளார்.

ரசிகர்கள் ஷாக்

31 இன்னிங்ஸ் வரை சதம் அடிக்காமல் இருப்பது கோலியின் கிரிக்கெட் கரியரில் மிக நீண்ட மோசமான காலக்கட்டமாகும். இதற்கு முன்பாக 2014 பிப்ரவரி முதல் 2014 அக்டோபர் வரை 25 இன்னிங்ஸிற்கு கோலி சதமடிக்காமல் இருந்திருக்கிறார். அதற்கு பிறகு இப்போது தான் நெருக்கடியான காலத்தை கோலி அனுபவித்து வருகிறார்.

ரசிகர்களின் எதிர்பார்ப்பு

இங்கிலாந்துக்கு எதிரான முதல் டெஸ்ட் போட்டியில், இந்திய அணி தடுமாறி வரும் சூழலில், கேப்டன் கோலி வலிமையாக மீண்டும் ஃபார்முக்கு வர வேண்டும் என்பதே ரசிகர்களின் எதிர்பார்ப்பாக உள்ளது. அவரை போன்ற ஒரு ஆளுமைமிக்க சர்வதேச சாதனையாளர்கள் விரைவில் கடினமான காலங்களில் இருந்து மீண்டு வருவார்கள் என நம்புவோம்.