ஒருநாள் கிரிக்கெட் அழிந்துவிடும்.. ஐசிசி நடவடிக்கை எடுக்க வேண்டும்.. ரிக்கி பாண்டிங் எச்சரிக்கை

மும்பை: கிரிக்கெட்டின் பரபரப்பான கால அட்டவணையால், ஒருநாள் கிரிக்கெட் போட்டிகள் படிப்படியாக பெரும் பாதிப்பை சந்திக்க நேரிடும் என்று ஆஸ்திரேலிய முன்னாள் கேப்டன் ரிக்கி பாண்டிங் கணித்துள்ளார். டி20 கிரிக்கெட்டின் அசுர வளர்ச்சியால், 50 ஓவர் போட்டிகள் இனிவரும் காலங்களில் குறைவாகவே விளையாடப்படும் என்று அவர் எச்சரித்துள்ளார்.

உலகெங்கிலும் உள்ள பல்வேறு பிரான்சைஸ் லீக்குகளின் வளர்ச்சியும், சர்வதேச டி20 போட்டிகளின் அதிகரிப்பும் சர்வதேச கிரிக்கெட் அட்டவணையில் பெரும் தாக்கத்தை ஏற்படுத்தியுள்ளன. இதனால் ஒருநாள் கிரிக்கெட்டுக்கான இடம் கேள்விக்குறியாகியுள்ளது. கிரிக்கெட் விளையாட்டு செல்லும் இந்த திசை தனக்கு மகிழ்ச்சி அளிக்கவில்லை என்று சுட்டிக்காட்டிய பாண்டிங், எதிர்காலத்தில் ஏதேனும் ஒரு வடிவம் தனது இடத்தை இழக்க நேரிடும் என்பதை மறுப்பதற்கில்லை என்றார்.

இது குறித்து பேசிய அவர், "மாதங்களும் வருடங்களும் கடந்து செல்லும்போது, உலகம் முழுவதும் அதிக டி20 போட்டிகளும் புதிய பிரான்சைஸ் தொடர்களும் தொடங்கப்பட்டு வருகின்றன. இதனால் 50 ஓவர் கிரிக்கெட் போட்டிகள் குறைவாக விளையாடப்படுவதற்கான வாய்ப்புகளே அதிகம் உள்ளன. இது தவிர்க்க முடியாத ஒன்றாக மாறி வருகிறது. உண்மையைச் சொல்வதானால், இதில் எனக்கு பெரிய அளவில் உடன்பாடில்லை" என்று பாண்டிங் தெரிவித்தார்.

பாகிஸ்தான் அணியை மரியாதை குறைவாக நடத்தாதீங்க.. அது எங்களுக்கும் வேகலம்- இங்கிலாந்து கேப்டன் ஜோ ரூட்

இந்த நிலையை மாற்ற ஐசிசி பல்வேறு முயற்சிகளை மேற்கொண்டு வருகிறது. பந்துவீச்சாளர்களுக்கு சாதகமாக இரண்டு புதிய பந்துகள் பயன்படுத்தும் விதியை மாற்றுவது போன்ற நடவடிக்கைகளை அது எடுத்துள்ளது. மேலும், உலகக் கோப்பை அல்லாத பிற ஒருநாள் போட்டிகளுக்கு முக்கியத்துவம் அளிக்கும் வகையில், மூன்று அல்லது நான்கு அணிகள் பங்கேற்கும் முத்தரப்பு மற்றும் நான்கு அணிகள் பங்கேற்கும் தொடர்களை நடத்தவும் ஐசிசி பரிசீலித்து வருகிறது.

Also Read

IND vs NZ: விராட் கோலி, ரோகித் சர்மாவுக்கு எச்சரிக்கை கொடுத்த நியூசிலாந்து வீரர்

தொடர்ந்து பேசிய பாண்டிங், "எனக்கு டெஸ்ட் கிரிக்கெட் மிகவும் பிடிக்கும். ஆனால் தற்போதைய சூழலில் ஏதேனும் ஒன்றுக்கு நாம் முற்றுப்புள்ளி வைக்க வேண்டும் அல்லது குறைக்க வேண்டும். இந்தியா, ஆஸ்திரேலியா, இங்கிலாந்து மற்றும் தென்னாப்பிரிக்கா போன்ற நாடுகள் டெஸ்ட் கிரிக்கெட்டை வலுவாக வைத்திருக்க விரும்பும் வரை, அது நிச்சயம் வலுவாகவே இருக்கும். எனவே ஏதேனும் ஒன்று பாதிக்கப்பட வேண்டும் என்றால், அது 50 ஓவர் கிரிக்கெட்டாகத்தான் இருக்கும்" என்று அவர் கூறினார்.