PAK vs ENG: ஹாரிஷ் ரவுஃப் செயலால் சர்ச்சை.. இங்கிலாந்து வீரர் வில் ஜாக்ஸ் உடன் மோதல்

லாகூர்: விறுவிறுப்பாக நடைபெற்ற முத்தரப்பு ஒருநாள் தொடர் போட்டியில், பாகிஸ்தான் மற்றும் இங்கிலாந்து அணி வீரர்களிடையே களத்தில் கடும் மோதல் ஏற்பட்டது. பாகிஸ்தான் வேகப்பந்து வீச்சாளர் ஹாரிஸ் ரவூஃப் மற்றும் இங்கிலாந்து ஆல்-ரவுண்டர் வில் ஜேக்ஸ் ஆகியோருக்கு இடையே ஏற்பட்ட இந்த காரசாரமான வாக்குவாதம், கிரிக்கெட் ரசிகர்களிடையே பெரும் பரபரப்பை ஏற்படுத்தியுள்ளது.

பாகிஸ்தான் அணியின் சேஸிங்கின் போது, ஆட்டத்தின் திருப்புமுனையாக அமைந்த 46வது ஓவரில் இந்த சம்பவம் நடைபெற்றது. இங்கிலாந்து பந்துவீச்சாளர் சாம் கரன் வீசிய 46வது ஓவரின் கடைசி பந்து, தலைக்கு மேல் உயரமாகச் சென்ற பவுன்சராக இருந்தது. அப்போது 90 பந்துகளில் 99 ரன்கள் எடுத்து களத்தில் இருந்த பாகிஸ்தான் வீரர் ஷதாப் கான் அந்த பந்தை எதிர்கொண்டார்.

அந்த பந்துக்கு நடுவர் வைடு தராததால், அதிருப்தியடைந்த ஷதாப் கான் நடுவரிடம் முறையிட்டுக் கொண்டிருந்தார். அதே நேரத்தில், நான்-ஸ்ட்ரைக்கர் முனையில் நின்று கொண்டிருந்த ஹாரிஸ் ரவூஃப், அருகில் ஃபீல்டிங் செய்து கொண்டிருந்த இங்கிலாந்து வீரர் வில் ஜேக்ஸ் உடன் திடீரென வாக்குவாதத்தில் ஈடுபட்டார்.

வைபவ் சூர்யவன்ஷிக்கு அபிஷேக் தான் அறிவுரை சொல்லனும்.. தயவு செய்து அவரை கெடுத்து விடாதீங்க-அஸ்வின்

பேட்டிங் செய்து கொண்டிருந்த நெருக்கடியான சூழலில், வில் ஜேக்ஸ் கூறிய ஏதோ ஒரு கருத்தால் ஆத்திரமடைந்த ஹாரிஸ் ரவூஃப், தனது பேட்டை வில் ஜேக்ஸை நோக்கி காட்டி, ஆக்ரோஷமாக அவரை நோக்கி நடந்து சென்றார். களத்தில் பதற்றம் அதிகரித்ததைக் கண்டு, நடுவர் உடனடியாக இருவருக்கும் இடையே வந்து நிலைமையைக் கட்டுப்படுத்த முயன்றார்.

நிலைமை கைமீறிச் செல்வதை உணர்ந்த இங்கிலாந்து அணியின் மூத்த வீரர் ஜோ ரூட், உடனடியாக விரைந்து வந்து ஹாரிஸ் ரவூஃபை தனியாக விலக்கி அழைத்துச் சென்று அமைதிப்படுத்தினார். ஜோ ரூட்டின் இந்த தலையீட்டால் களத்தில் பெரிய அளவிலான அசம்பாவிதம் தவிர்க்கப்பட்டது.

Also Read

IND vs NZ: இந்த 24 வயது வீரர் தான் இந்திய பந்துவீச்சின் எதிர்காலம்.. தினேஷ் கார்த்திக் பாராட்டு

கடைசி வரை பதற்றமாகச் சென்ற இப்போட்டியில், ஹாரிஸ் ரவூஃப் வெற்றிக்குரிய பவுண்டரியை அடித்து பாகிஸ்தான் அணிக்கு 1 விக்கெட் வித்தியாசத்தில் த்ரில் வெற்றியை உறுதி செய்தார். இருப்பினும், போட்டி முடிவடைந்து இரு அணி வீரர்களும் கைகுலுக்க வந்த போதும், ஹாரிஸ் ரவூஃப் மற்றும் வில் ஜேக்ஸ் ஆகிய இருவருக்கும் இடையே மீண்டும் ஒரு காரசாரமான உரையாடல் நிகழ்ந்தது சமூக வலைதளங்களில் விவாதப் பொருளாக மாறியுள்ளது.