ஹரியானா பெண்
ஷமையா ஏரோநாட்டிக்கல் என்ஜினியரிங் முடித்துவிட்டு, தற்போது எமிரேட்ஸ் ஏர்லைன்சில் என்ஜினியராக பணியாற்றி வருகிறார். ஹரியானா பூர்வீகம் என்றாலும் தற்போது பெற்றோருடன் துபாயில் வசித்து வருகிறார்.
|
மகிழ்ச்சி அடைவேன்
இந்நிலையில் தனது திருமணம் குறித்து ஹசன் அலி கூறியதாவது: எனது திருமணம் துபாயில் நடக்கிறது. வரவேற்பு நிகழ்ச்சியில் இந்திய அணி வீரர்கள் கலந்து கொள்வார்கள் என்று நான் மிகவும் எதிர்பார்க்கிறேன். அவர்களுக்கு கட்டாயம் எனது திருமண அழைப்பிதழை அனுப்பி வைப்பேன். அவர்கள் விழாவில் கலந்து கொண்டால் நான் ரொம்ப மகிழ்ச்சி அடைவேன் என்றார்.
ஆக. 20ல் கல்யாணம்
ஹசன் அலி, ஷமையா திருமணம் ஆகஸ்ட் 20ம் தேதி துபாயில் உள்ள அட்லாண்டிஸ் பாம் ஹோட்டலில் நடைபெறுகிறது. திருமணத்தில் முக்கிய கிரிக்கெட் பிரபலங்கள் பலரும் வந்து வாழ்த்துவார்கள் என்று எதிர்பார்க்கப் படுகிறது.
தொடர் நாயகன் விருது
பாக். அணியின் முன்னணி வேகப்பந்து வீச்சாளர் ஹசன் அலி. 2016ம் ஆண்டு சர்வதேச போட்டியில் அறிமுகமாகி, அடுத்த ஆண்டிலேயே ஐசிசி சாம்பியன்ஸ் டிராபியில் தொடர் நாயகன் விருது பெற்றார். 2017ம் ஆண்டு அதி விரைவாக 50 விக்கெட் வீழ்த்திய பாகிஸ்தான் வீரர் என்ற சாதனையையும் படைத்தார்.