மிக்கி ஆர்தர் பேட்டி
தற்போது ஆஸ்திரேலிய டெஸ்ட் தொடரில் ஆடி வருகிறது. ஆசிய கோப்பை தோல்விகளில் இருந்து உடனடியாக மீள பாகிஸ்தான் அணிக்கு அதிரடி வெற்றிகள் தேவை. இந்த நிலையில், பயிற்சியாளர் ஆர்தர் பாகிஸ்தான் அணிக்கு கோலியை காட்டி பயிற்சி அளிப்பதாக கூறி இருக்கிறார்.
சிறந்த வீரர் ஆக உழைக்கிறார்
"விராட், தான் சிறந்த வீரராக இருக்க வேண்டும் என்ற பசியில் இருக்கிறார். அது அவரை மற்ற வீரர்களிடம் இருந்து பிரித்து காட்டுகிறது. அவர் வாழும் விதம், பயிற்சி செய்யும் விதம், விளையாடும் விதம் எல்லாமே ரசிக்கும் படி உள்ளது. நான் விராட் கோலியை என் பயிற்சியில் ஒரு முன்மாதிரியாக காட்டி பயிற்சி அளிக்கிறேன்" என கூறியுள்ளார்.
கோலியை பின்பற்றுங்கள்
கோலி களத்தில் மட்டுமல்லாமல், ஒரு தனி நபராகவும் சிறப்பான செயல்பாடுகளை கொண்டு இருப்பதாகவும், அதை பின்பற்றுமாறு பாகிஸ்தான் வீரர்களுக்கு அறிவுறுத்தி உள்ளார் மிக்கி ஆர்தர். இதில் குறிப்பாக விராட் கோலியின் உடற்தகுதி பயிற்சிகளும் அடங்கும்.
எதிர்வினைகளை குறைக்கணும்
எனினும், கோலி ஒரு கேப்டனாக களத்தில் தன் எதிர்வினையை குறைத்துக் கொள்ள வேண்டும் என கூறி உள்ளார் மிக்கி ஆர்தர். ரவி சாஸ்திரி அவருக்கு சரியான வழி காட்டுவார் என நம்புகிறேன் எனவும் கூறியுள்ளார்.