டி20 உலககோப்பை-விதியை மீறி ஏமாற்றிய பாக்.வீரர்..நடவடிக்கை எடுக்குமா ஐசிசி..கையும் களவுமாக சிக்கினார்

நிரந்தர தடை

இந்த நிலையில் தான் பாகிஸ்தான் வீரர் நவாஸ் கொத்தாக சிக்கியுள்ளார். அதாவது 19.3வது ஓவர் முடிவில் அடுத்த பந்தை வீசும் போது நவாஸ், தனது எச்சிலை தொட்டு பந்தில் தடவினார். இந்த முறையை ஐசிசி அண்மையில் தடை செய்துள்ளது. முதலில் கொரோனா அச்சுறுத்தலால் தடை செய்யப்பட்ட நிலையில், பிறகு நிரந்தர தடை விதிக்கப்பட்டது.

பந்துவீச்சாளர்களுக்கு பலன்

பந்தை எச்சிலால் தடவி, ஒரு புறத்தில் பளபளவென வைத்து விட்டு, மற்றொரு புறத்தில் பந்தை பழசாக வைத்திருந்தால், ரிவர்ஸ் ஸிவிங் சிறப்பாக செய்யப்படும். மேலும் சுழற்பந்துவீச்சாளர்களும் பந்தை Turn செய்ய முடியும். தற்போது ஐசிசி தடை செய்ததன் காரணமாக வீரர்கள் எச்சிலை தடவாமல் பந்தை தங்களது உடையில் தேய்த்து வருகின்றனர்.

ரசிகர்கள் கோரிக்கை

ஆனால் நவாஸ் எச்சிலை தொட்டு பந்தை தடவுவது விதிகளுக்கு எதிரானது என்பதால் பாகிஸ்தான் கிரிக்கெட் அணி மீது நடவடிக்கை எடுக்க வேண்டும் என்று இந்திய ரசிகர்கள் கோரிக்கை விடுத்துள்ளனர். கடைசி ஓவரில் தான் நவாஸ் எச்சிலை பந்தில் தடவியது தெரியவந்தது. இதனால், பாகிஸ்தான் வீரர்கள் பலரும் பந்தை ரிவர்ஸ் ஸ்விங் செய்வதற்காக எச்சிலை தடவி இருக்கலாம் என்று இந்திய ரசிகர்கள் புகார் தெரிவித்துள்ளனர்.

மௌனம் காக்கும் பாக்

இந்திய ரசிகர்களின் இந்த குற்றச்சாட்டுக்கு இதுவரை பாகிஸ்தான் தரப்பிலிருந்து எவ்வித விளக்கமும் வரவில்லை. இந்த நிலையில், பாகிஸ்தான் அணி வரும் வியாழக்கிழமை ஜிம்பாப்வே அணியை எதிர்கொள்கிறது. இந்தப் போட்டியை அந்த அணி வென்றே ஆக வேண்டும் என்ற கட்டாயத்தில் உள்ளது.