ஷாயின் அஃபிரிடி இல்ல.. இந்திய வீரர்களுக்கு இனி நிம்மதி தான்.. பாக். வீரர் சர்ச்சை கருத்து

தோல்வி

40 டி20 போட்டிகளில் விளையாடியுள்ள அப்ரிடி, தற்போது வரை 47 விக்கெட்டுகளை வீழ்த்தி இருக்கிறார். பாகிஸ்தானுக்காக கடந்த ஆண்டில் அதிக விக்கெட் வீழ்த்திய வேகப்பந்துவீச்சாளர் என்ற பெருமையும் அவர் பெற்றிருந்தார்.கடந்த டி20 உலகக் கோப்பையில் இந்திய அணி , பாகிஸ்தானிடம் முதல் முறையாக தோற்றதுக்கு காரணம் ஷாயின் ஷா அப்ரிடி தான்.

3 விக்கெட்

இந்தியாவுக்கு எதிரான ஆட்டத்தில் முதல் ஓவரிலேயே ரோகித் சர்மாவையும், 3வது ஓவரில் ராகுலையும் ஆட்டமிழக்க செய்தார் ஷாயின் ஷா அப்ரிடி. அந்த ஆட்டத்தில் 4 ஓவர் வீசி 31 ரன்களை விட்டு கொடுத்து 3 விக்கெட்டுகளை கைப்பற்றினார் அப்ரிடி. இதனை வைத்து தான் தற்போது இந்திய வீரர்களை பாகிஸ்தான் முன்னாள் கிரிக்கெட் வீரர் வக்கார் யூனிஸ் வம்பிழுத்துள்ளார்.

வம்பிழுத்த வக்கார் யூனிஸ்

இது தொடர்பாக அவர் பிதிவிட்டுள்ள டிவீ ட்டில், ஷாயினுக்கு ஏற்பட்டுள்ள காயம், இந்திய அணியின் முன்வரிசை வீரர்களுக்கு மிகப் பெரிய நிம்மதியை கொடுத்திருக்கும்.ஆசிய கோப்பையில் அப்ரிடியை காண முடியாதது வருத்தம் தான். மீண்டும் விரைவில் உடல் தகுதியை எட்ட வாழ்த்துகிறேன் என்று கூறியுள்ளார்.

பதிலடி தருவாரா ரோகித்

ரோகித் சர்மா டி20 போட்டியில் பாகிஸ்தானுக்கு எதிராக இதுவரை அவருடைய ஸ்பெஷல் இன்னிங்சை காட்டவில்லை. இதுவரை 8 போட்டிகளில் விளையாடி 70 ரன்கள் மட்டுமே அடித்துள்ளார். இதனால் வக்கார் யூனிஸ்க்கு ரோகித் சர்மா தனது பேட் மூலம் பதிலடி தர வேண்டும் என்று ரசிகர்கள் ஆவலுடன் எதிர்பார்த்துள்ளனர்.