பாகிஸ்தான் கிரிக்கெட் வாரியத்துக்கு ரூ. 374 கோடியை அள்ளிக் கொடுத்த ஐசிசி..

ஆளுக்கு கொஞ்சம்

தனக்குக் கிடைக்கும் வசூல் பணத்தை உறுப்பு நாடுகளின் கிரிக்கெட் வாரியங்களின் நலனுக்கும், கிரிக்கெட் வளர்ச்சிக்கும் பகிர்ந்தளித்து வருகிறது ஐசிசி. அந்த அடிப்படையில்தான் பாகிஸ்தான் கிரிக்கெட் வாரியத்துக்கு இவ்வளவு பணம் தரப்பட்டுள்ளது.

வரும் ஆண்டுகளில் மேலும் அதிகரிக்கும்

பாகிஸ்தான் கிரிக்கெட் வாரியத்துக்கான பங்குத் தொகை வரும் ஆண்டுகளில் மேலும் அதிகரிக்குமாம். அதாவது 2015 முதல் 2023 காலகட்டத்தில் இந்தத் தொகை மேலும் அதிகரிக்குமாம்.

வரும் ஆண்டுகளில் ரூ. 623.55 கோடி கிடைக்கும்

2015 முதல் 2020 வரையிலான ஐசிசி அட்டவணைக் காலத்தில் பாகிஸ்தானுக்கான தொகையானது ரூ. 623.55 கோடியாக இருக்கும் என்று கணக்கிடப்பட்டுள்ளது. இதுதவிர பாகிஸ்தான் கிரிக்கெட் வாரியத்துக்கும், ஐசிசிக்கும் இடையிலான தனிப்பட்ட இரு நபர் ஒப்பந்தப்படியும் அதற்கு கணிசமான தொகை கிடைக்குமாம்.

போட்டிகளை நடத்தாமலேயே

பாகிஸ்தானில் சமீப ஆண்டுகளாக சர்வதேச கிரிக்கெட் போட்டிகள் நடத்தப்படுவதில்லை. தீவிரவாத அச்சுறுத்தல், பல நாடுகள் வர மறுப்பது உள்ளிட்ட காரணங்களால் போட்டிகள் நடத்தப்படாமல் உள்ளது.

துபாய் அல்லது ஷார்ஜாவில்

இதன் காரணமாக பாகிஸ்தானுடன் விளையாட விரும்பும் அல்லது முன்வரும் நாடுகள் நியூட்ரல் மைதானங்களான துபாய் அல்லது ஷார்ஜாவில்தான் பாகிஸ்தான் அணியுடன் விளையாடி வருகின்றன என்பது நினைவிருக்கலாம்.