ஆரம்பமே அமர்க்களம்.. சவுதி பந்தை சாத்திய பிரித்வி ஷா.. ஒரே ஓவரில் 5 பவுண்டரிகள்

அவுட்டானார் தவான்

முதல் ஓவரை சவுதி வீசினார். அந்த ஓவரில் 3வது பந்தில் எந்த ரன்னும் எடுக்காமல் டக் அவுட்டாகி சையினிடம் கேட்ச் கொடுத்து வெளியேறினார். தொடக்கமே பெங்களூரு அணிக்கு நம்பிக்கை அளிப்பது போன்று இருந்தது.

ஒரே ஓவரில் 5 பவுண்டரிகள்

ஆனால்... 3வது ஓவரில் பிரித்வி ஷாவின் பவுண்டரி ஆட்டம் பெங்களூரு அணியின் வயிற்றில் கிலோ கணக்கில் புளியை கரைத்தது எனலாம். முதல் பந்தில் பவுண்டரி, 2வது பந்தில் பவுண்டரி என 5 பந்துகளில் பவுண்டரிகளாக வெளுத்து தள்ளினார் பிரித்வி ஷா.

சோகமான கோலி

என்ன பண்ணலாம் என்று தெரியாமல் உதட்டை கடித்துக் கொண்டும், தொப்பியை சரி செய்து கொண்டும் சோகமாக காட்சியளித்தார் கோலி. பெங்களூரு அணியின் பவுலர்களை டெல்லி அணி பதம் பார்க்க, ரன்கள் வந்து கொண்டே இருந்தன.

ஓவருக்கு 9 ரன்கள்

எதை பற்றியும் கவலைப்படாமல் பிரித்வி ஷா மற்றும் ஸ்ரேயாஸ் அய்யரும் ரன்களை குவிக்க தொடங்கினர். சராசரியாக ஒரு ஓவருக்கு 9 ரன்கள் என்ற கணக்கில் அணிக்கு ரன்கள் வந்து கொண்டேயிருக்கின்றன.