என் வாழ்க்கையின் கடினமான நேரத்தில் விராட் கோலி தான் உதவினார்.. பிவி சிந்து உருக்கம்

மும்பை: 2025 ஆம் ஆண்டில் ஏற்பட்ட கடுமையான காயம் காரணமாகத் தனது விளையாட்டு வாழ்க்கையின் மிகக் கடினமான காலகட்டங்களில் ஒன்றை எதிர்கொண்ட போது, அதிலிருந்து மீண்டு வர விராட் கோலி உதவியது என்பது குறித்து பி.வி. சிந்து மனம் திறந்துள்ளார். விராட் கோலி உடனான உரையாடல் அவருக்கு ஒரு சிறந்த உத்வேகத்தை அளித்து, இறுதியில் வரலாற்றுச் சிறப்புமிக்க ஜப்பான் ஓபன் பட்டத்தை வென்று மாபெரும் கம்பேக் தர வழிவகுத்தது.

இரண்டு முறை ஒலிம்பிக் பதக்கம் வென்ற சிந்து, செப்டம்பர் 2025 இல் பயிற்சியின் போது கால் விரலில் ஏற்பட்ட காயத்தால் அவதிப்பட்டார். இதனால் தனது போட்டிகளைப் பாதியிலேயே நிறுத்திவிட்டு, முழுமையாக குணமடைவதில் அவர் கவனம் செலுத்த வேண்டியிருந்தது. பிரபல விளையாட்டு எலும்பியல் நிபுணர் டாக்டர் தின்ஷா பர்திவாலாவின் மேற்பார்வையில், சிந்து மூன்று மாதங்கள் முழுமையான ஓய்வில் இருந்ததைத் தொடர்ந்து, தீவிர பயிற்சியில் ஈடுபட்டார்.

அந்த சவாலான காலகட்டத்தில், சிந்து தனது கணவர் வெங்கட தத்தா சாயுடன் இணைந்து, ஆலோசனைகளைப் பெறுவதற்காக விராட் கோலியை அணுகினார். இந்திய கிரிக்கெட் அணியின் முன்னாள் கேப்டனான கோலி அதற்கு உடனடியாகப் பதிலளித்ததோடு, அடுத்த நாளே அவர்கள் மூவரும் நேரில் சந்தித்தனர்.

இந்த 4 பவுலர்களை இந்திய அணியில் சேர்க்கனும்.. கம்பீர் முடிவு தவறு.. அஸ்வின், பிரசன்னா கருத்து

இது குறித்து கருத்து தெரிவித்த பிவி சிந்து, "என் வாழ்க்கையில் நான் எப்போதும் நன்றியோடு நினைவுகூரும் ஒரு நபர் விராட் பாய். எனது விளையாட்டு வாழ்க்கையின் மிக மோசமான காலகட்டத்தில் நான் அவரைத் தொடர்பு கொண்டேன். தொடர்ந்து காயங்கள் ஏற்பட்டு, எதிர்பார்த்த முடிவுகள் கிடைக்காமல் தவித்துக்கொண்டிருந்த போது, எனது நிலையைப் புரிந்து கொள்ளக்கூடிய ஒருவரின் வழிகாட்டுதல் எனக்குத் தேவைப்பட்டது.

அவர் சில நிமிடங்களிலேயே பதிலளித்தார், அடுத்த நாளே நாங்கள் சந்தித்தோம். நாங்கள் பேசிக்கொண்டவை எப்போதும் எங்களுக்குள் மட்டுமே இருக்கும். ஆனால் எனக்கு ஒரு ஆதரவு தேவைப்பட்ட போது அவர் துணையாக நின்றதற்கு நான் எப்போதும் நன்றியுள்ளவளாக இருப்பேன். அவர் அதிகம் பேசவில்லை என்றாலும், அவரது ஒவ்வொரு வார்த்தையும் எனக்கும் கணவர் தத்தாவுக்கும் ஆழமாகப் பதிந்தது. சில உரையாடல்கள் நாம் விஷயங்களைப் பார்க்கும் விதத்தையே மாற்றிவிடும். அதுபோன்ற ஒரு உரையாடல் தான் இது" என சிந்து குறிப்பிட்டுள்ளார்.

விராட் கோலி, ரோகித் சர்மா அடுத்தது எப்போது விளையாடுவார்கள்? இந்திய அணி ஒருநாள் தொடர் எப்போது?

இந்த நிலையில் தான் பிவி சிந்து வரலாற்றுச் சிறப்புமிக்க ஜப்பான் ஓபன் மகளிர் ஒற்றையர் பட்டத்தை கைப்பற்றினார். இதன்மூலம், இத்தொடரின் 43 ஆண்டு கால வரலாற்றில் எந்தவொரு பிரிவிலும் இப்பட்டத்தை வென்ற முதல் இந்திய பேட்மிண்டன் வீரர் என்ற வரலாற்றுச் சாதனையை அவர் படைத்தார்.