மும்பை: பெங்களூர் ராயல் சேலஞ்சர்ஸ் மற்றும் ராஜஸ்தான் ராயல்ஸ் அணிகளுக்கிடையே நடக்கவிருந்த ஐபிஎல் 20 ஓவர் ஆட்டம் மழையால் நேற்று கைவிடப்பட்டது.

இந்த அணிகளுக்கு இடையிலான லீக் ஆட்டம் நேற்றிரவு 8 மணிக்கு பெங்களூர் சின்னசாமி ஸ்டேடியத்தில் தொடங்குவதாக இருந்தது. போட்டியைக் காண ஏராளமான ரசிகர்கள் குழுமிய நிலவையில் மழை கொட்டியது.

இதனால் திட்டமிட்ட நேரத்தில் போட்டியை தொடங்க முடியவில்லை.

விட்டு விட்டு மழை பெய்து கொண்டே இருந்ததால் ஒரு பந்து கூட வீசப்படாத நிலையில் இரவு 10.55 மணி அளவில் போட்டியை கைவிடுவதாக நடுவர்கள் அறிவித்தனர்.

ஆட்டம் ரத்தானதால் இரு அணிகளும் தலா ஒரு புள்ளியை பெற்றன. புள்ளிகள் பட்டியலில் ராஜஸ்தான் ராயல்ஸ் 5 போட்டிகளில் 2 வெற்றி 2 தோல்விகளுடன் 5 புள்ளிகளைப் பெற்றுள்ளது (இப்போது ஆடாத ஆட்டத்துக்கு ஒரு புள்ளி).

பெங்களூர் அணி 5 போட்டிகளில் 4 தோல்விகளுடன் 3 புள்ளிகள் பெற்றுள்ளது (ரத்தான ஆட்டத்துக்கு ஒரு புள்ளி).

கொல்கத்தா நைட் ரைடர்ஸ் 6 புள்ளிகளுடன் முதலிடத்தில் உள்ளது.