“அஸ்வின் குறித்து இப்படியா சொல்றது?”.. ராஜஸ்தான் அணி தந்த தரமான பதிலடி.. ரசிகர்கள் வியப்பு!

குவியும் விமர்சனங்கள்

இதில் இருந்து தமிழக வீரர் ரவிச்சந்திரன் அஸ்வின் மட்டும் எப்படி தப்பித்தார் என சமூக வலைதளங்களில் கேள்வி எழுப்பி வருகின்றனர். 36 வயதாகும் அஸ்வின் சமீபத்தில் தான் டி20 உலகக்கோப்பை தொடரில் விளையாடினார். ஆனால் இவர்களின் திட்டங்கள் இனி டி20ல் எடுபடாது எனக்கூறி, ராஜஸ்தான் அணி கழட்டிவிடப்படும் என ரசிகர்கள் கூறி வந்தனர்.

பதிலடி

இந்நிலையில் இதற்கு ராஜஸ்தான் அணி பதிலடி கொடுத்துள்ளது. அஸ்வினின் புகைப்படத்தை தனது ட்விட்டர் பக்கத்தில் பதிவிட்டுள்ள, அந்த அணி நாங்கள் அப்படி செய்வோம் என எப்படி எதிர்பார்த்தீர்கள்? என குறிப்பிட்டுள்ளது. இதனால் அவர் அடுத்தாண்டு ஐபிஎல் தொடரிலும் ராஜஸ்தான் அணிக்காக விளையாடுவது உறுதியாகியுள்ளது.

செயல்பாடு

கடந்தாண்டு நடைபெற்ற மெகா ஏலத்தின் போது அஸ்வினை ரூ.5 கோடி கொடுத்து ராஜஸ்தான் அணி வாங்கியது. அந்த அணிக்காக 17 போட்டிகளில் ஆடிய அஸ்வின் 12 விக்கெட்களை வீழ்த்தினார். அவரின் சராசரி 7.51 ரன்கள் மட்டுமே ஆகும். பேட்டிங்கில் 12 இன்னிங்ஸ்களில் 191 ரன்களை அடித்திருந்தார். இதில் ஒரு அரைசதமும் அடங்கும்.

அதிரடி பேட்ஸ்மேன்

நடந்துமுடிந்த டி20 உலகக்கோப்பை தொடரில் இந்திய அணியின் முதன்மை பவுலராக ரவிச்சந்திரன் அஸ்வின் தான் இருந்தார். 6 போட்டிகளில் விளையாடிய அவர் 6 விக்கெட்களை கைப்பற்றியிருந்தார். எனினும் பேட்டிங்கில் ஒரு ஃபினிஷரை போலவே அதிரடி காட்டியது ரசிகர்களுக்கு விருந்து படைத்தது.