SRH VS RR: ரன் மழை பொழிந்து சதமடித்த சாம்சன்... 199 ரன்களை இலக்காக நிர்ணயித்த ராஜஸ்தான்

பட்லர் போல்டு

அதுவரை ரன் ஏதும் எடுக்காமல் இருந்த பட்லர் பவுண்டரியை அடுத்து தமது ரன் கணக்கை துவங்கினார். அந்த மகிழ்ச்சி சில நிமிடங்கள் கூட நீடிக்கவில்லை. ரஷித் கான் ஓவரில் போல்டாகி வெளியேறி, ரசிகர்களுக்கு அதிர்ச்சி வைத்தியம் கொடுத்தார்.

ரகானே, சாம்சன் ஆட்டம்

அவரை தொடர்ந்து, 2வது விக்கெட்டுக்கு ரகானேவுடன் சஞ்சு சாம்சன் ஜோடி சேர்ந்தார். இருவரும் நிதானமாக, அதே சமயத்தில் அருமையாக பந்துகளை எதிர்கொண்டனர். முதல் 50 ரன்களை 8வது ஓவரிலும், 100 ரன்களை 12வது ஓவரிலும் இருவரும் எட்டினர்.

இருவரும் அரைசதம்

தொடக்க வீரராக களம் இறங்கிய ரகானே, 2வது விக்கெட்டுக்கு ஜோடி சாம்சன் ஆகியோரை பிரிக்க முயன்றும் முடியவில்லை.இருவரும் அரை சதம் கடந்து அணிக்கு வலு சேர்த்தனர்.

ரகானே, சாம்சன் அற்புதம்

இருவரும் 2வது விக்கெட்டுக்கு 119 ரன்கள் சேர்த்து அபாரமாக ஆடினர். அணியின் ஸ்கோர் 134 ரன்களாக இருந்த போது யாரும் எதிர்பாராத வகையில் ரகானே ஆட்டமிழந்தார். அவர் எடுத்தது 70 ரன்கள்.

துவம்சம் செயத் சாம்சன்

அவருக்கு அடுத்து வந்தார் ஸ்டோக்ஸ். ஆனால் மறுமுனையிலோ... சாம்சன் சூறாவளியாக மாறி, பந்துகளை அடித்து துவம்சம் செய்தார். சன்ரைசர்ஸ் பந்துவீச்சை அடித்து துவம்சம் செய்தார். சதம் அடிப்பார் என்று எதிர்பார்க்கப்பட்ட ரகானே வெளியேறிய நிலையில் அந்த பொறுப்பையும் ஏற்று ரன்களை குவித்தார். சதமும் அடித்தார்.

199 ரன்கள் வெற்றி இலக்கு

ஹைதராபாத் பவுலர் புவனேஷ்வர் குமார் வீசிய 18வது ஓவரில் அனல் பறந்தது. 1 சிக்சர், 4 பவுண்டரி என மொத்தமாக 24 ரன்கள் விளாசினார். இதையடுத்து ராஜஸ்தான் ராயல்ஸ் அணி 20 ஓவரில் 2 விக்கெட்டுக்கு 198 ரன்கள் எடுத்தது. சாம்சன் (102), ஸ்டோக்ஸ் (16) அவுட்டாகாமல் இருந்தனர்.