IPL 2026: ரஷித் கான் என்ன பெரிய பவுலரா? ஒரே ஓவரில் 21 ரன்கள்.. பறந்த 2 சிக்சர்

தர்மசாலா: ஐபிஎல் 2026 குவாலிஃபையர் 1 போட்டியில், ஆர்சிபி கேப்டன் ரஜத் படிதார், குஜராத் டைட்டன்ஸ் (GT) அணியின் சுழற்பந்து வீச்சாளர் ரஷித் கானுக்கு எதிராக ஒரு ஓவரில் இரண்டு சிக்ஸர்கள் அடித்து அதிரடி காட்டினார். குர்ணல் பாண்டியா ஒரு ரன் எடுத்த பின், படிதார் லாங்-ஆன் திசையிலும், தொடர்ந்து கவர் திசையிலும் சிக்ஸர்களை விளாச, அந்த 16வது ஓவரில் 21 ரன்கள் குவிக்கப்பட்டன.

இந்த சீசனில் பட்டிதார், பேட்டிங்கில் சிறந்து விளங்கினார். 13 போட்டிகளில், நான்கு அரைசதங்களுடன் 183.64 ஸ்ட்ரைக் ரேட்டில் 393 ரன்கள் எடுத்தார். குவாலிஃபையர் 1-இல் அவர் காஜிசோ ரபாடாவின் பந்தில் சிக்ஸர் அடித்து 21 பந்துகளில் அதிரடியாக அரைசதம் பதிவு செய்தார்.

இப்போட்டியில் படிதார் வெறும் 33 பந்துகளில் 9 சிக்ஸர்கள் மற்றும் 5 பவுண்டரிகளுடன் ஆட்டமிழக்காமல் 93 ரன்கள் சேர்த்தார். அவரது அபார ஆட்டம், ஐபிஎல் பிளேஆஃப்களில் RCB அணியை 20 ஓவர்களில் 254/5 ரன்களுடன் புதிய அதிகபட்ச ஸ்கோர் பதிவு செய்ய உதவியது. GT கேப்டன் ஷுப்மன் கில்லின் அழைப்பின் பேரில் RCB முதலில் பேட் செய்தது.

IPL 2026: செஞ்சூரி அடிச்சிருப்பேன்.. அவுட்டானதும், கடுப்பான கோலி.. மனைவி அனுஷ்கா சோகம்

படிதார் தவிர, விராட் கோலி 43 (28), குர்ணால் பாண்டியா 43 (25), தேவ்தத் படிக்கல் 30 (19) ரன்கள் பங்களித்தனர். ஜித்தேஷ் சர்மா ஒரு சிறப்பான கேமியோவில் 5 பந்துகளில் ஆட்டமிழக்காமல் 15 ரன்கள் சேர்த்தார். குஜராத் டைட்டன்ஸ் பந்துவீச்சில், காஜிசோ ரபாடா மற்றும் ஜேசன் ஹோல்டர் தலா இரண்டு விக்கெட்டுகளை வீழ்த்தினர்.

ஷுப்மன் கில் தலைமையிலான GT அணி, சென்னை சூப்பர் கிங்ஸ் (CSK) அணிக்கு எதிராக 89 ரன்கள் வித்தியாசத்தில் வென்று பிளேஆஃப்களுக்கு முன்னேறியது. மறுபுறம், RCB கடந்த லீக் ஆட்டத்தில் சன்ரைசர்ஸ் ஹைதராபாத் (SRH) அணியிடம் 55 ரன்கள் வித்தியாசத்தில் தோற்றது. எனினும், 18 புள்ளிகள் பெற்ற இரு அணிகளிலும், சிறந்த நெட் ரன் ரேட் காரணமாக RCB புள்ளிப் பட்டியலில் முதலிடம் பிடித்தது.

IPL 2026: தம்பி மாதிரி கிடையாது.. அண்ணன் குர்னல் பாண்டியா அபார சாதனை.. குவாலிபையரில் அதிரடி

குவாலிஃபையர் 1 போட்டியில் மோதிய இவ்விரு அணிகளும் தங்களது இரண்டாவது ஐபிஎல் கோப்பையை வெல்லும் நோக்குடன் களமிறங்கின. நடப்பு சாம்பியன் RCB கோப்பையை தக்கவைக்க முனைந்தது. மறுபுறம் குஜராத் டைட்டன்ஸ் அணி, 2022-இல் முதல் பட்டத்தை வென்ற பிறகு மீண்டும் வாகை சூட முனைகிறது.